ბრიჯიტ ბარდოს თავისი საყვარელი ძაღლების გვერდით დაკრძალავენ - „ეს არის, რაც მას სურდა... დაკრძალულიყო მათ გვერდით, ვინც უყვარდა..." - მშობლები

28 დეკემბერს ფრანგული კინოს ლეგენდა, ეპოქის ხატი და ცხოველთა უფლებების დაუღალავიდამცველი ბრიჯიტ ბარდო 91 წლის ასაკში გარდაიცვალა. მისი უკანასკნელი მოგზაურობა ისეთივე უჩვეულო იქნება, როგორც მისი ენერგიული და საკამათო ცხოვრება.

მსახიობის დიდი ხნის სურვილის შესაბამისად, მისი უკანასკნელი განსასვენებელი ქალაქის სასაფლაო კი არა, მისი მამულის, ლა მადრაგის ბაღი იქნება, კოტ-დ'აზურზე, სენ-ტროპესთან ახლოს. მისმა მეგობარმა, ჟურნალისტმა ვენდი ბუშარმა მსახიობის პირადი სურვილი Franceinfo რადიოში გააჟღერა: „ეს არის ის, რაც მას სურდა... დაკრძალულიყო მათ გვერდით, ვინც უყვარდა - მისი ცხოველები“.

ბრიჯიტმა ლა მადრაგის მამული 1950-იანი წლების ბოლოს შეიძინა. ის ოდესღაც ბოჰემური წვეულებების მთავარი ადგილი იყო. წლების განმავლობაში კი სახლი აბსოლუტურ განმარტოების ადგილად და გადარჩენილი ცხოველების თავშესაფრად გადაიქცა. სწორედ ამ ბაღში, „ზღვის პირას“, დაკრძალავენ ბრიჯიტს, მკაცრი ფრანგული კანონების შესაბამისად, რომლებიც კერძო დაკრძალვას მხოლოდ გამონაკლის შემთხვევებში და ხელისუფლების სპეციალური ნებართვით უშვებს.

აღსანიშნავია, რომ ალენ დელონიც თავის საყვარელ ძაღლებთან ერთად დაკრძალეს.

2018 წელს მსახიობმა თავად ახსნა თავისი გადაწყვეტილება მარტივად: „მე ზღვის პირას პატარა კუთხე ავირჩიე... ფორმალობები დასრულებულია. ხელისუფლებამ დაამტკიცა კონკრეტული ადგილი, რომელიც დაფარულია თვალთახედვისგან, მაგრამ ახლოსაა ჩემი პატარა შინაური ცხოველების სასაფლაოზე მდებარე საფლავებთან“. ეს გადაწყვეტილება არა მხოლოდ შინაური ცხოველების სიყვარულით, არამედ ოჯახის სიმშვიდის დაცვის სურვილითაც იყო განპირობებული. ბარდომ განაცხადა, რომ არ სურდა სენ-ტროპეს სასაფლაოზე დაკრძალვა, სადაც მისი მშობლები და ბებია-ბაბუები არიან დაკრძალულნი, რათა თაყვანისმცემელთა ბრბო, ან, როგორც თავად ამბობდა, „იდიოტების ბრბოს“, არ ევლო იქ და არ დაეზიანებინა მათი საფლავები.

ამავდროულად, ბარდომ კარგად იცოდა საზოგადოების ინტერესი მის მიმართ და სურდა, რომ მისი მემკვიდრეობა კვლავ ემსახურებოდეს მისი ცხოვრების მთავარ საქმეს. მან დაგეგმა, რომ გარდაცვალების შემდეგ, ლა მადრაგის მამული, რომელიც მანამდე თავის საქველმოქმედო ფონდს გადასცა, მუზეუმად გადაიქცეს. მცირე საფასურის სანაცვლოდ, რომელიც ცხოველთა კეთილდღეობის ფონდს მოხმარდება, ვიზიტორებს შეეძლებათ ნახონ ცნობილი სახლი, რომელიც თავდაპირველი სახითაა შემონახული.

ბარდომ მისი საფლავი უკიდურესად მარტივად აღწერა: „ხის ჯვარი სახელითა და თარიღებით, ცხოველების მსგავსად“.

აპატია თუ არა შვილმა ბრიჯიტ ბარდოს, რომელმაც მას კიბო უწოდა და ძაღლები არჩია? - რას საქმიანობს ნიკოლა შარიე და რას ამბობს დედაზე