საქართველოში ქალის ფინანსური დამოუკიდებლობა ყოველთვის მყარი არ არის. შვილების გაჩენის და მათ აღზდის პერიოდში ბევრი ქალი წყვეტს აქტიურ სამსახურს და შემოსავლის გარეშე, მეუღლეზე დამოკიდებული ხდება. სამწუხაროდ, ჩვენს რეალობაში ისეც ხდება, რომ წყვილს შორის ურთიერთობა ირღვევა და ქალი ხშირად რჩება მარტო შვილებთან და თავის ფინანსურ პრობლებთან ერთად.
ფსიქილოგები მიიჩნევენ, რომ ცოლ-ქმარს შორის ჯანსაღი ურთიერთობა მხოლოდ ემოციებზე არ დგას. ის ემყარება პასუხისმგებლობას, პატივისცემას და იმ განცდას, რომ ორივე პარტნიორი დამოუკიდებელი და ძლიერი პიროვნებაა. ფინანსური დამოუკიდებლობა სწორედ ის საფუძველია, რომელიც ურთიერთობაში თავისუფლებას, თანასწორობასა და უსაფრთხოებას ქმნის.
ქვემოთ ჩამოთვლილი პრინციპები დაგეხმარებათ ისეთი ურთიერთობის ჩამოყალიბებაში, სადაც ფული კონტროლის ან შანტაჟის იარაღი არ ხდება, არამედ სტაბილურობისა და საერთო კეთილდღეობის საშუალებაა.
ყოველ ადამიანს უნდა ჰქონდეს პირადი ფინანსური „მაშველი რგოლი“. ეს არ არის აუცილებლად „შავი დღისთვის“ — ეს არის უბრალოდ სარეზერვო თანხა, რომელიც ნებისმიერ სიტუაციაში სიმშვიდეს განიჭებთ. თუ ცხოვრება მშვიდად მიდის, ამ ფულის გამოყენების მიზეზსს ყოველთვის იპოვით. ხოლო სირთულეების დროს ის შეიძლება გადამწყვეტი აღმოჩნდეს — როგორც თქვენთვის, ისე მთელი ოჯახისთვის.
პროფესიული რეალიზაცია ადამიანის ცხოვრების ერთ-ერთი უმნიშვნელოვანესი ნაწილია. საკუთარი საქმის ქონა და შემოსავლის გამომუშავების უნარი განსაკუთრებით მნიშვნელოვანია ქალისთვის. ეს ქმნის ფინანსურ დამოუკიდებლობას, ამცირებს შიშს ხვალინდელი დღის მიმართ და ურთიერთობებიდან გამორიცხავს მანიპულაციას.
როდესაც ორივე პარტნიორი ფინანსურად დამოუკიდებელია, ურთიერთობა გადადის თანასწორობის დონეზე. ასეთ კავშირში აღარ არსებობს შიში, რომ ვინმე შეიძლება საარსებო საშუალებების გარეშე დარჩეს ან იძულებული გახდეს, მოითმინოს სხვაზე დამოკიდებულება.
ხშირად ადამიანები მარტოობის შიშის გამო ტოქსიკურ ურთიერთობებში რჩებიან. მეგობრები, ახლობლები, სოციალური წრე — ეს არის ის ადამიანები, რომლებიც მეუღლესთან დაშორების შემთხვევაშიც კი თქვენს გვერდით იქნებიან.
თუ ადამიანს აქვს საკუთარი გარემო და მხარდამჭერი ადამიანები ჰყავს, ის არასდროს არის მარტო. შესაბამისად, ნაკლებია რისკი, რომ დამაზიანებელ ურთიერთობაში მხოლოდ შიშის გამო დარჩეს. ძლიერი სოციალური კავშირები ხელს უწყობს ჯანსაღ ემოციურ დამოკიდებულებას და თავისუფალ არჩევანს.
ნებისმიერი ფინანსური გადაწყვეტილება არჩევანია. როდესაც რაღაცას ყიდულობთ, ამავდროულად უარს ამბობთ სხვა შესაძლებლობაზე. სწორედ ამიტომ მნიშვნელოვანია არა მხოლოდ სურვილზე, არამედ შედეგებზეც დაფიქრდეთ.
გაანალიზეთ პლუსები და მინუსები, დაგეგმეთ შემოსავლები და ხარჯები არა მხოლოდ ახლო მომავალში, არამედ წლების პერსპექტივითაც. პირად ფინანსურ გეგმაში აუცილებლად უნდა შედიოდეს გრძელვადიანი მიზნები — საპენსიო დანაზოგი, ოჯახის ფინანსური უსაფრთხოება, სტაბილური მომავალი.
მნიშვნელოვანია საკუთარ თავზეც ზრუნვა. ღირსეული სიბერე უფრო მნიშვნელოვანია, ვიდრე ყველა სურვილის დაკმაყოფილება დღეს. შვილები საკუთარ ცხოვრებას თავად მოაწყობენ და ძალიან კმაყოფილი დარცებიით იმით, რომ საკუთარ თავს თავად უვლით.
ფულზე საუბარი არ უნდა იყოს ტაბუ. პირიქით — ფინანსური საკითხების ღიად განხილვა აძლიერებს ნდობას. პარტნიორებს შორის შეთანხმება საერთო მიზნებზე, სტრატეგიაზე და პასუხისმგებლობებზე აუცილებელია.
ჯანსაღ ურთიერთობაში მნიშვნელოვანია რესურსების სამართლიანი განაწილება. ეს არ ნიშნავს საკუთარი ინტერესების უგულებელყოფას. არაფერია სამარცხვინო ქორწინების კონტრაქტში ან პირადი ქონების დაცვაში. პატიოსნება და სამართლიანობა უნდა არსებობდეს ორივე მხრიდან — პარტნიორის მიმართაც და საკუთარი თავის მიმართაც.