"ქართველი სიძე და კენიელი პატარძალი... მან პირველად დაინახა თოვლი" - ულამაზესი საქორწილო ფოტოსესია კავკასიის მთებში - მშობლები
"ქართველი სიძე და კენიელი პატარძალი... მან პირველად დაინახა თოვლი" - ულამაზესი საქორწილო ფოტოსესია კავკასიის მთებში
სოციალურ ქსელში სიძე-პატარძლის ულამაზესი კადრები ვრცელდება. მათ ფოტოსესიის ავტორი Andria Photography ავრცელებს.
"ქართველი სიძე, კენიელი პატარძალი და კავკასიის მთებში. მათი პირველი შეხვედრა თოვლთან.
სიყვარულს საზღვრები არ აქვს — არც ქვეყნებს, არც კლიმატს, არც კულტურას. დღეს მან პირველად დაინახა თოვლი, და მე დავიჭირე ის მომენტი, როცა სამყარო ცოტათი უფრო ჯადოსნური გახდა," - წერს ფოტოგრაფი.
მისი თქმით, ფოტოსესია დაბა კოჯრისკენ, აზეულას მთაზეა გადაღებული.
აზეულა გახლავთ მწვერვალი საქართველოში, ქვემო ქართლის მხარეში, გარდაბნის მუნიციპალიტეტში. მდებარეობს თრიალეთის ქედის სამხრეთ-აღმოსავლეთით— თელეთის ქედზე, დაბა კოჯრის სამხრეთით. ზღვის დონიდან 1200 მ. აზეულაზე დგას ციხესიმაგრე აგარანი.
