რეალური გასართობი, რომელიც ბავშვებს ეკრანებს დაავიწყებს - ააშენე მსოფლიო საკუთარ ოთახში - მშობლები

თანამედროვე მშობლებისთვის ერთ-ერთი ყველაზე დიდი გამოწვევა საკუთარი შვილების ეკრანებისგან მოწყვეტაა. დღეს ბავშვები დაბადებიდანვე გარშემორტყმულნი არიან გაჯეტებით, ვიდეო თამაშებითა და სოციალური ქსელებით, რაც ხშირად არაჯანსაღ დამოკიდებულებაში გადადის. ეს პრობლემა გლობალურია და ყველა ოჯახს ერთნაირად აწუხებს: როგორ შევთავაზოთ ბავშვს ისეთი რამ, რაც ვირტუალურ სამყაროზე უფრო მიმზიდველი, ინტერაქტიული და ამავდროულად, სასარგებლო იქნება?

ასეთ სიტუაციაში 3D ფაზლების ფენომენი ნამდვილად ჯადოსმურია! რეალური, ხელშესახები თავგადასავალი, რომელიც ბავშვს ეკრანებსაც დაავიწყებს და საშუალებას მისცემს, მსოფლიოს საოცრებები საკუთარ ოთახში გააცოცხლოს.

რატომ არის 3D ფაზლი საუკეთესო ალტერნატივა გაჯეტებისთვის?

ვიდეო თამაშები ბავშვებს სწრაფ დოფამინს აძლევს, თუმცა მათ ხშირად პასიურ მდგომარეობაში ტოვებს. ფაზლის აწყობა კი მოითხოვს აქტიურ ჩართულობას, ფიზიკურ შეხებას და სივრცით აზროვნებას. ეს არის პროცესი, სადაც ბავშვი არა მხოლოდ მაყურებელი, არამედ შემოქმედია. 3D ფაზლით დაინტერესება საუკეთესო გზაა კონცენტრაციის უნარის გასავითარებლად. როდესაც ბავშვი ხედავს, თუ როგორ იქცევა პატარა დეტალები დიდებულ ნაგებობად, ის განიცდის იმავე აზარტს, რასაც თამაშის ახალ საფეხურზე გადასვლისას, თუმცა ამ შემთხვევაში შედეგი ხელშესახებია და მისი ოთახის დეკორაციად რჩება.

ექსპერტების რეკომენდაციით, ბავშვის დაინტერესება ფაზლებით 3-4 წლის ასაკიდან უნდა დაიწყოს, როდესაც წვრილი მოტორიკა ყალიბდება. ხოლო Cubic Fun-ის უფრო კომპლექსური 3D მოდელები იდეალურია 5-დან 8 წლამდე და ზემოთ ასაკისთვის, როდესაც ბავშვს უკვე შეუძლია ინსტრუქციის მიყოლა და რთული კონსტრუქციების გააზრება.

Cubic Fun - ხარისხისა და ინოვაციის ისტორია

როდესაც 3D ფაზლებზე ვსაუბრობთ, შეუძლებელია არ ვახსენოთ ბრენდი, რომელმაც ეს ინდუსტრია შექმნა. Cubic Fun 1994 წელს ჩინეთში დაარსდა. თავდაპირველად ეს იყო პატარა გუნდი, რომელსაც სურდა, ტრადიციული, ორგანზომილებიანი ფაზლებისთვის ახალი სიცოცხლე შთაებერა. მათ გამოიგონეს სპეციალური მასალა - EPS ქაფის ფირფიტა, რომელიც მაღალი ხარისხის ქაღალდითაა დაფარული. ამ ინოვაციამ საშუალება მისცა ბრენდს, შეექმნა ისეთი მოდელები, რომლებიც წებოსა და მაკრატლის გარეშე იწყობა, არის მსუბუქი და საოცრად მყარი.

დღეს Cubic Fun მსოფლიოს 80-ზე მეტ ქვეყანაშია წარმოდგენილი და მისი პროდუქცია აღიარებულია, როგორც ერთ-ერთი ყველაზე უსაფრთხო და ეკოლოგიური სათამაშო. ბრენდის ისტორია არის მუდმივი სწრაფვა დეტალიზაციისკენ. მათი მოდელები იმდენად ზუსტია, რომ ხშირად არქიტექტურულ მაკეტებს უფრო ჰგავს, ვიდრე უბრალო სათამაშოს.

რატომ გახდა პოპულარული მსოფლიოში 3D ფაზლები?

ბოლო წლებში 3D ფაზლები მხოლოდ საბავშვო გასართობი აღარ არის. ეს გახდა გლობალური ტრენდი, რომელშიც უფროსებიც დიდი ენთუზიაზმით არიან ჩართულნი. ამ პოპულარობის რამდენიმე მიზეზი არსებობს:

1. ანტისტრესული ეფექტი:უფროსებისთვის რთული კონსტრუქციის აწყობა ერთგვარი მედიტაციაა. ეს არის საშუალება, სამუშაო დღის შემდეგ ტვინი გადართო სხვა რამეზე და ციფრული ხმაურისგან დაისვენო.
2. ესთეტიკური ღირებულება:Cubic Fun-ის მოდელები, როგორიცაა ნოტრ-დამი, საგრიდა ფამილია თუ ისტორიული გემები, დასრულების შემდეგ ნამდვილ ხელოვნების ნიმუშებს ჰგავს. ისინი იდეალურად ჯდება ინტერიერში, როგორც დეკორატიული ელემენტები.
3. კოლექციონირება:ბევრი ადამიანისთვის ეს ჰობი კოლექციონირებაში გადაიზარდა. ადამიანები აგროვებენ მსოფლიოს დედაქალაქების სერიებს, ცნობილ გემებსა თუ კოსმოსურ ხომალდებს. ეს არის სიამაყის წყარო - გქონდეს მსოფლიოს საოცრებები საკუთარ თაროზე, შენივე ხელით აწყობილი.

რას აძლევს ბავშვს 3D ფაზლებით გატაცება?

თუ ბავშვს ადრეული ასაკიდან შევაყვარებთ ამ პროცესს, ეს ჰობი მის მომავალზე დიდ გავლენას მოახდენს. 3D ფაზლებზე მუშაობა ავითარებს:

• ინჟინერულ და არქიტექტურულ ხედვას: ბავშვი სწავლობს, როგორ იგება ნაგებობა საძირკვლიდან სახურავამდე.
• ისტორიულ ცოდნას: ყოველი მოდელი ახალი ქვეყნის, კულტურისა და ეპოქის გაცნობაა.
• მიზანდასახულობას: რთული პროექტის ბოლომდე მიყვანა ასწავლის ბავშვს, რომ დიდი შრომა ყოველთვის დიდებულ შედეგს იძლევა.

ეს გატაცება შეიძლება იქცეს მთელი ცხოვრების ჰობიდ ან საფუძვლად მომავალი პროფესიისთვის. XS სათამაშოებში წარმოდგენილი Cubic Fun-ის კოლექცია საუკეთესო სტარტია ამ გზაზე. ყოველ წელს, 29 იანვარს, მსოფლიო ფაზლის საერთაშორისო დღეს აღნიშნავს. XS სათამაშოები უერთდება ამ გლობალურ დღესასწაულს და მთელ კვირას ამ საოცარ, ინტელექტუალურ გასართობს უძღვნის! შემოუერთდით ფაზლის საერთაშორისო კვირეულს, შეარჩიეთ თქვენი პირველი 3D მოდელი და აქციეთ სათამაშო დრო ნამდვილ შემოქმედებით პროცესად.

ესტუმრეთ XS სათამაშოების ფილიალებში, ჩაერთეთ ფაზლის კვირეულში და აჩუქეთ თქვენს შვილს ჰობი, რომელიც მას მთელი ცხოვრება გაჰყვება!

R