"სანამ ალას ასაკი ემატება, გალკინი ახალგაზრდავდება..." "ქალების რისხვა გახდი..." - მაქსიმ გალკინის ახალ იმიჯს სოციალურ ქსელში დიდი გამოხმაურება მოჰყვა - მშობლები
"სანამ ალას ასაკი ემატება, გალკინი ახალგაზრდავდება..." "ქალების რისხვა გახდი..." - მაქსიმ გალკინის ახალ იმიჯს სოციალურ ქსელში დიდი გამოხმაურება მოჰყვა
49 წლის მაქსიმ გალკინი და 76 წლის ალა პუგაჩოვა 2011 წლიდან ერთად არიან და ორ შვილს, ტყუპ ქალ-ვაჟს ზრდიან. მათი თანაცხოვრება, ამხელა ასაკობრივი შუალედის გამო, სულ იყო განხილვის საგანი, თუმცა ფაქტია, წყვილმა გაუძლო ყველა გამოცდას და კვლავ ერთად არიან, სამშობლოდან შორსაც.
ერთ-ერთ ბოლო ინტერვიუში ალა პუგაჩოვამ აღნიშნა:
- მეათე ახალგაზრდობა მაქვს, ბედნიერი ვარ. მაქვს მიზანი, ამათ გამო ვცხოვრობ - ჩემი ოჯახის გამო.
მაქსიმთან ქორწინებას ალა ყველაზე დიდ გამართლებას და სიყვარულს უწოდებს:
- მას საოცარი ნიჭი აქვს - შემიყვაროს, შეიყვაროს თავისი ოჯახი და იზრუნოს ჩემზე. შემიყვარდა და მივხვდი, რომ ეს არის ის, რაც მჭირდებოდა. ჩვენ აბსოლუტური ჰარმონია გვაქვს...ოჯახი მხოლოდ სექსი არ არის. ეს არის მეგობრობა, გაგება, მხარდაჭერა, - ხაზგასმით აღნიშნა პუგაჩოვამ.
თუმცა ბოლო პერიოდში პრიმადონას სულ უფრო მეტად ეტყობა ასაკი, სიარულიც უჭირს, ამასობაში კი მისი მეუღლე, რომელიც გამუდმებით გასტროლებზეა, ახალი იმიჯით წარდგა საზოგადოების წინაშე. მის ახალ ფოტოებს და ვიდეოებს კურშეველიდან, საფრანგეთის ზამთრის მდიდრული კურორტიდან, სოციალურ ქსელში დიდი გამოხმაურება მოჰყვა. ქალები აღტაცებულები უწერენ კომენტარებს და აღნიშნავენ, რომ მაქსიმმა თავის სტილს მიაგნო.
მაქსიმი იქ შვილებთან ერთად ისვენებდა.
ვიდეოც გამოაქვეყნა ქალიშვილთან ერთად:
როგორც ცნობილია, წყვილი რუსეთ-უკრაინის ომის დაწყების შემდეგ წავიდა რუსეთიდან და მას მერე რამდენჯერმე შეიცვალეს საცხოვრებელი ქვეყანაც და სახლიც.
რომ დავუბრუნდეთ გალკინის იმიჯს, რუსულ მედიაში ვარაუდობენ, რომ მანაც, როგორც მისმა ცოლმა, პლასტიკური ქირურგების დახმარებას მიმართა. 50 წლის ასაკში ის ნამდვილად უფრო ახალგაზრდულად გამოიყურება.
"თუ ეს ფილტრები არაა, მაშინ კომპლექსური ჩარევის შედეგია. სავარაუდოდ, სახის ენდოსკოპიური დაჭიმვა და აპარატული პროცედურები. მაგალითად, სხვადასხვა ტიპის ლიფტინგი, რომელიც ვიზუალურად აახალგაზრდავებს", - ვარაუდობენ რუსი პლასტიკური ქირურგები.
