ვინ არის ბრედ პიტის არანაკლებ წარმატებული ძმა და რატომ ხუმრობენ, რომ ის უფრო შეეფერებოდა ანჯელინა ჯოლის? - მშობლები
ვინ არის ბრედ პიტის არანაკლებ წარმატებული ძმა და რატომ ხუმრობენ, რომ ის უფრო შეეფერებოდა ანჯელინა ჯოლის?
ბრედ პიტი ალბათ ერთ-ერთი ყველაზე ცნობილი ადამიანია მსოფლიოში. თუმცა ცოტამ თუ იცის, რომ ბრედ პიტს უმცროსი ძმა ჰყავს, თანაც, საკმაოდ რეალიზებული და გარკვეულ წრეებში ძალიან ცნობილიც. ძმისგან განსხვავებით, დუგლას პიტი, რომელიც სამი წლით უმცროსია ბრედზე, სრულიად არ იხიბლება გლამურული ცხოვრებითა და საჯაროობით, ცნობილია, როგორც წარმატებული მეწარმე, ინვესტორი და ფილანტროპი, მის ცხოვრებაში ძალიან დიდი ადგილი უკავია ქველმოქმედებას.
დუგლასიც და ბრედიც საკმაოდ რელიგიურ ოჯახში გაიზარდნენ.მამა უილიამ პიტი მენეჯერი იყო ერთ-ერთ კომპანიაში, დედა ჯეინ ეტა ჰილჰაუსი კი ადგილობრივ სკოლაში მასწავლებლობდა. ძმები სპრინგფილდში იზრდებოდნენ.
ერთ-ერთ ინტერვიუში პიტი ამბობდა, რომ მამა მასთან ძალიან მკაცრი იყო. მის ოჯახში მუდმივად შეზღუდვები, აკრძალვები და მითითებები იყო. შვილებს გამუდმებით აკონტროლებდნენ.
ბრედისგან განსხვავებით, დუგლასს ახალგაზრდობიდანვე იზიდავდა ტექნოლოგიები 24 წლის ასაკში წამოიწყო თავისი პირველი ბიზნესი IT სფეროში - შემდეგ კი წარმატებით განვითარდა კომპიუტერულ ინდუსტრიაში.
თუმცა, დუგლასის ცხოვრებაში მთავარი სრულიად არ არის ბიზნესი. მრავალი წლის განმავლობაში ის ქველმოქმედებით არის დაკავებული. რამდენიმე წელი ტანზანიის კეთილი ნების ელჩადაც კი მუშაობდა და ხუმრობდნენ კიდეც, როცა ბრედ პიტი ასევე დიდ ქველმოქმედ და გაეროს კეთილი ნების ელჩ ანჯელინა ჯოლიზე დაქორწინდა, მეორე ძმა უფრო შეეფერებოდაო.
დუგლას პიტის ყველა ბიზნესპროექტი დღესაც გარკვეულწილად დაკავშირებულია საზოგადოების ნაკლებად იღბლიანი ფენების მხარდაჭერასთან. მის მშობლიურ შტატში, მისურიში, ის აფინანსებს სკოლებს, უნივერსიტეტებსა და საავადმყოფოებს, ამავდროულად აგრძელებს ქველმოქმედებას აფრიკაში. დააარსა ფონდი, რომელიც დაფინანსებას უწევს კვებას, ჰიგიენასა და ჯანდაცვას.
სხვათა შორის, პიტ უმცროსისთვისაც დამახასიათებელია შემოქმედებითობა. დაგლასი მრავალი წელია პროფესიონალი ფოტოგრაფია და პერიოდულად მართავს გამოფენებს აშშ-ის დიდ ქალაქებში. ასევე პერიოდულად ჩნდება რეკლამებში, სადაც ოსტატურად ახდენს ძმის ცნობილი ფოტოების პაროდიას.
დაგლასი სამ ათწლეულზე მეტია ბედნიერია ქორწინებაში. მას მეუღლე ლიზა და სამი შვილი ჰყავს.
მიუხედავად იმისა, რომ ბევრი ამბობს, ისინი სრულიად განსხვავებული სამყაროები არიანო, ბრედსა და დუგლასს შესანიშნავი ურთიერთობა აქვთ და ძალიან ახლოს არიან.
