"მარტივი არ არის, 8 წლის ურთიერთობა ერთ დღეში დაასრულო..." - ბათუმელი ინფლუენსერი მარიამ შუკაკიძე ქმარს გაშორდა - მშობლები
"მარტივი არ არის, 8 წლის ურთიერთობა ერთ დღეში დაასრულო..." - ბათუმელი ინფლუენსერი მარიამ შუკაკიძე ქმარს გაშორდა
ბათუმში მცხოვრები ინფლუენსერი მარიამ შუკაკიძე ერთ-ერთი ყველაზე წარმტებულია თავის სფეროში, რადგან ინსტაგრამზე ქართველ ბლოგერებს შორის ყველაზე მეტი - 7 მილიონზე მეტი გამომწერი ჰყავს. მარიამმა ე.წ. ლაქშერი ცხოვრების სტილით გაითქვა სახელი, ამ ბოლო დროს კი საკუთარი ბიზნესით უფრო აქტიურად არის დაკავებული. სამი შვილის დედამ ერთდროულად ორ ქვეყანაში - საქართველოში (ბათუმში) და დუბაიში გადაწყვიტა სალონების გახსნა.
მესამე შვილის გაჩენის შემდეგ მარიამმა ორი ოპერაცია გაიკეთა - მუცლისა და მკერდის ფორმის აღდგენითი ოპერაციები, რომლებიც, მისი თქმით, დასჭირდა სამი საკეისროს შედეგების აღმოსაფხვრელად.
ბოლო დრომდე, მარიამის ინსტაგრამზე დიდი გამოხმაურება მოჰყვებოდა ხოლმე მეუღლესთან ერთად გადაღებულ ფოტოებს და მის მიერ ნაჩუქარ ძვირფას საჩუქრებს, ვარდების თაიგულრბდ და ა.შ. თუმცა სულ ახლახან მარიამმა გაუმხილა გამომწერებს, რომ მეუღლეს დაშორდა.
8 წლის წინ მარიამის ქორწილს დიდი აჟიოტაჟი მოჰყვა. რუსულ მედიაშიც წერდნენ მათზე, როგორც ყველაზე ლამაზ ნეფე-პატარძალზე. შემდეგ წყვილს სამი შვილი შეეძინა, თუმცა როგორც ჩანს, ურთიერთობამ ბოლომდე მაინც ვერ გაძლო.
