„ბავშვები აყვინთავებდნენ ზღვაში, ეტყობა ცოტა მეტი დროით დაიჭირეს და გული გაუსკდა... ის ბიჭი დღეს თუ მისმენს - ნაპატიები გაქვს ჩემგანაც და უფლისგანაც!“ - დათო ევგენიძე 16 წლის დის გარდაცვალებას იხსენებს - მშობლები
„ბავშვები აყვინთავებდნენ ზღვაში, ეტყობა ცოტა მეტი დროით დაიჭირეს და გული გაუსკდა... ის ბიჭი დღეს თუ მისმენს - ნაპატიები გაქვს ჩემგანაც და უფლისგანაც!“ - დათო ევგენიძე 16 წლის დის გარდაცვალებას იხსენებს
მუსიკოსი დათო ევგენიძე გადაცემა "პრაიმ შოუში" დის ტრაგიკულ გარდაცვალებას იხსენებს. მისი უმცროსი და, ლია ევგენიძე, 16 წლისა გარდაიცვალა:
- 18 წლის ვიყავი... იმ წელს ჩავბარე მოსკოვის კონსერვატორიაში და რამდენიმე დღის ჩამოსული ვიყავი... ეს შემთხვევა წარმოუდგენელი იყო... ამას კიდევ ის მოყვა, რომ ჩემს თავს ვაბრალებდი მთელი ცხოვრება, მაშინ იქ რომ არ ვიყავი... უნდა წამოვსულიყავი წესით წინა დღეს და ეს მოხდა სწორედ იმ დღეს, რომელ დღესაც მე არ წამოვედი ბათუმიდან... ვიყავით მე, ირაკლი ჩარკვიანი, გეგა კობახიძე, ყველანი, ჩვენი ბავშვობის მეგობრები... დავრჩით ერთი დღე და დილას წამოვედით... ქობულეთში დავტოვე ჩემი და დედასთან ერთად და წესით, გრიგოლეთში უნდა წასულიყვნენ, იქ უნდა გამევლო მათთვის... რომ მივედით, ნამტირალები თვალებით დამხვდა ქალბატონი, ვისთანაც სტუმრად უნდა ყოფილიყვნენ და მითხრა, მზემ დაარტყაო შენს დასო და ქობულეთში არიანო. რომ დავბრუნდი, მძღოლი მეკითხება, რამდენი წლის იყოო, წარსულ დროში ახსენ და იქ მივხვდი, რომ და აღარ მყავდა... მაინც ვიჯერებდი, რომ მართლა მზემ დაარტყა...
