წიგნები თავისუფლებაზე, რომელსაც „ბიბლუსი“ მარო მაყაშვილის კვირეულთან დაკავშირებით გთავაზობთ - მშობლები

მარო მაყაშვილი - ეს არის სახელი, რომელიც ქართული თავისუფლებისა და თავგანწირვის სიმბოლოდ იქცა.

1921 წლის თებერვალში, როდესაც საბჭოთა რუსეთის XI არმია თბილისს შემოესია, 19 წლის სტუდენტი გოგონა მოწყალების დის ფორმაში, ფრონტის წინა ხაზზე აღმოჩნდა. 19 თებერვალს მტრის ყუმბარამ მისი სიცოცხლე ტრაგიკულად დაასრულა, თუმცა მან დაგვიტოვა დღიურები, რომლებიც სამშობლოს სიყვარულით სავსე ახალგაზრდა ქალის პორტრეტს ხატავს.

„ქართველ ჟანა დარკად“ წოდებული მარო პირველი ქალია, რომელსაც საქართველოს ეროვნული გმირის წოდება მიენიჭა. აღსანიშნავია, რომ მკითხველს შესაძლებლობა აქვს გაეცნოსმარო მაყაშვილის დღიურების ლიმიტირებულ გამოცემასაც. ეს წიგნი გაცილებით მეტია, ვიდრე უბრალოდ ისტორიული დოკუმენტი. მასში ცოცხლდება 16 წლის მოზარდის შინაგანი სამყარო, პირველი კურსის სტუდენტის ოცნებები საფრანგეთში სწავლასა და საკუთარ მიწაზე შრომაზე.

დღიურებში მარო გვევლინება არა მხოლოდ ეროვნულ გმირად, არამედ ჩვეულებრივ გოგონად, რომელიც განიცდის პირად გრძნობებს, თუმცა გარდამტეხ მომენტში უყოყმანოდ ამბობს: „სისხლის უკანასკნელ წვეთამდე ვიბრძოლებთ... ეს გამოცემა საუკეთესო გზაა იმ ადამიანის გასაცნობად, რომლისთვისაც მთავარი იარაღი ღირსება და სიმართლე იყო.

მაროსგარდაცვალებისდღესთანდაკავშირებით, „ბიბლუსი“წარმოგიდგენთწიგნებს,რომლებიცთავისუფლებისფასსადატირანიისწინააღმდეგბრძოლაზემოგვითხრობენ:

ანე ფრანკი - უკანა სახლი, დღიური წერილების სახით

ანე ფრანკიც მაროს მსგავსად დღიურს წერდა, თუმცა სულ სხვა გარემოებაში, ფაშისტებისგან თავშესაფარში დამალული. 13 წლის ებრაელი გოგონას ეს ჩანაწერები კაცობრიობის ისტორიის ერთ-ერთი უმძიმესი დროის მამხილებელი დოკუმენტია. მიუხედავად იმისა, რომ ანე საკონცენტრაციო ბანაკში დაიღუპა, მისი დღიური გადარჩა და მსოფლიოს მილიონობით ადამიანს უამბო იმ იმედებსა და შიშებზე, რომლებიც ოთხ კედელში გამოკეტილ გოგონას აწუხებდა.

ვიცი,რადგალობსგალიისჩიტი-მაიაენჯელოუ

ამერიკელი პოეტის ეს ავტობიოგრაფიული რომანი თავისუფლებისთვის ბრძოლის კიდევ ერთი მაგალითია, ოღონდ ამჯერად სოციალური და რასობრივი ჩაგვრის წინააღმდეგ. წიგნი აღწერს მაიას ცხოვრებას სამი წლის ასაკიდან თექვსმეტ წლამდე, მის რთულ გზას არკანზასის პატარა ქალაქიდან პიროვნულ თავისუფლებამდე. ეს არის ამბავი იმაზე, თუ როგორ შეიძლება სულიერმა სიმტკიცემ გალიის ბორკილები დაამსხვრიოს.

მემომკლესდე...(მოთხრობებისკრებული)

ეს კრებული თანამედროვე ქართული „ომის პროზის“ საუკეთესო ნიმუშია, სადაც 15 ავტორი დამოუკიდებელი საქართველოს ბოლო 30 წლის განმავლობაში გადატანილ ტკივილსა და ბრძოლას აღწერს. მოთხრობები წარმოადგენს ერთგვარ რეაქციას იმ მოვლენებზე, რომლებმაც უახლესი ქართული მწერლობა ჩამოაყალიბა. წიგნი კიდევ ერთხელ გვახსენებს, თუ რა ფასს იხდის საქართველო დამოუკიდებლობის შენარჩუნებისთვის.

როგორდავამარცხოთდიქტატორი-მარიარესა

ნობელის პრემიის ლაურეატი მარია რესა თავისი ბიოგრაფიული გამოცდილებით გვაჩვენებს, თუ როგორ ებრძვის დემოკრატია დეზინფორმაციასა და პროპაგანდას ციფრულ ეპოქაში. ფილიპინელი ჟურნალისტი ამხელს ავტოკრატიული რეჟიმების მუშაობის პრინციპებს და გვაძლევს იმედს, რომ მორალური სიცხადითა და თავისუფლების მოყვარული ადამიანების ერთობით ნებისმიერი დიქტატურის დამარცხება შესაძლებელია.

ცხოველებისკარ-მიდამო-ჯორჯორუელი

ჯორჯ ორუელის ეს ალეგორიული ნაწარმოები საბჭოთა ტოტალიტარული რეჟიმის ყველაზე მკაფიო მხილებაა, რის გამოც იგი წლების განმავლობაში აკრძალული იყო საბჭოთა კავშირში. ორუელის მთავარი სათქმელი მარტივია: თავისუფლება არის უფლება, ადამიანებს ის სიმართლე უთხრა, რომლის მოსმენაც მათ არ სურთ. ეს წიგნი მარო მაყაშვილის მიერ დაწუნებული და შებრძოლებული რეჟიმის ნამდვილ სახეს საუკეთესოდ აჩვენებს.

(R)