კიმ კარდაშიანისა და კანიე უესტის 12 წლის ქალიშვილის მორიგ გამოჩენას აჟიოტაჟი მოჰყვა - ერთ-ერთ ყველაზე მდიდარ ბავშვს არაფერს უშლიან და ფუფუნებაში ზრდიან - მშობლები
კიმ კარდაშიანისა და კანიე უესტის 12 წლის ქალიშვილის მორიგ გამოჩენას აჟიოტაჟი მოჰყვა - ერთ-ერთ ყველაზე მდიდარ ბავშვს არაფერს უშლიან და ფუფუნებაში ზრდიან
კვლავ განხილვის საგნად იქცა კიმ კარდაშიანისა და კანიე უესტის უფროსი, 12 წლის ქალიშვილის გამოჩენა. გოგონამ მეგობრებთან ერთად გადაღებული ფოტოები გამოაქვეყნა, მორიგი, ახალი იმიჯით.
ნორტმა ბოლო დროს რამდენჯერმე შეიცვალა სტილი, თმის ფერსაც ხშირად იცვლის და ათასნაირ ექსპერიმენტს ატარებს გარეგნობაზე. ბევრი ფიქრობს, რომ 12 წლის გოგოსთვის ეს ქალური ცხოვრების სტილი ძალიან ნაადრევია, თუმცა გოგონა ბავშვობიდან ასე ცხოვრობს.
„არავითარ შემთხვევაში არ გამოვუშვებდი ჩემს 12 წლის შვილს ასე საჯაროდ“, "ნუთუ მართლა 12 წლისაა? რატომ არ აცდიან ბავშვობას?", „საშინელება“ ძალიან რბილი სიტყვაა“, „ის ზრდასრულ ქალს ჰგავს! ეს საშინელებაა“, - წერენ Daily Mail-ის მომხმარებლები.
ჯერ სულ რაღაც 10 წლის გოგონა გრძელი ფრჩხილებით, ფრანგული მანიკურით, დიდური სამოსით და ვარცხნილობით იწონებდა თავს. ამბობენ, რომ კიმი დათვურ სამსახურს უწევს ქალიშვილს, რომელსაც ბავშვობიდან ზედმეტ ფუფუნებაში ზრდის და არც არაფერს უშლის.
კიმი უგულებელყოფს კრიტიკას - კანიეს უკმაყოფილების მიუხედავად. მანამდე, უესტი უკვე საჯაროდ კონფლიქტში იყო ყოფილ მეუღლესთან შვილების აღზრდასთან დაკავშირებული მისი შეხედულებების გამო. კიმმა კი განაცხადა, რომ რეპერს შვილები არ აინტერესებს.
წყვილი 2014 წელს დაქორწინდა და შვიდწლიანი ქორწინების განმავლობაში ოთხი შვილი შეეძინათ - ნორტი, სეინტი, ჩიკაგო და პსალმი. ორი უმცროსი ბავშვი სუროგატი დედის დახმარებით გაჩნდა.
რეპერი ამჟამად დაქორწინებულია 30 წლის ავსტრალიელ მოდელ ბიანკა ცენსორიზე, 44 წლის კიმი კი მარტოხელაა, თუმცა განქორწინების შემდეგ მას გახმაურებული რომანები აქვს.
