თურქი ქალების კერპი, ბოსნიურ-ბულგარული ფესვებით და გზა „საუკეთესო მამაკაცი მოდელის“ ტიტულიდან საუკეთესო მსახიობამდე - ამბები ჩაგათაი ულუსოუზე - მშობლები

ჩაგათაი ულუსოი თურქულ კინოში მოულოდნელად გამოჩნდა და მაშინვე პოპულარობა მოიპოვა. მამაკაცურმა გარეგნობამ ის თურქი ქალების კერპად აქცია. ინტერვიუებში აღიარებს, რომ კრიტიკის არ ეშინია, მაგრამ გაცილებით მეტად კომპლიმენტებს იღებს. ულუსოი ღიად მადლობას უხდის ბედს მიღებული შესაძლებლობისთვის - საჭირო დროს საჭირო ადგილას ყოფნისთვის.

ბავშვობა და ახალგაზრდობა

მსახიობი 1990 წლის სექტემბერში, სტამბოლში დაიბადა. დედა ბოსნიური წარმომავლობისაა, მამა - ბულგარული. სავარაუდოდ, სწორედ ეს არის მსახიობის შთამბეჭდავი და გამორჩეული გარეგნობის წყარო. ჩაგატაის გარდა, ოჯახს კიდევ ერთი ვაჟი ჰყავდა, უმცროსი ვაჟი, სახელად ათალაი.

ჩაგათაი ადრეული ასაკიდანვე აქტიური ბავშვი იყო. უყვარდა სპორტი და სადაც არ უნდა წასულიყო, ყოველთვის ყურადღების ცენტრში ხვდებოდა. საკმაოდ წარმატებული კალათბურთელი იყო. შეიძლებოდა, სპორტული მწვრთნელიც გამხდარიყო. თუმცა, ყველა უწინასწარმეტყველებდა, რომ სამსახიობო ან სამოდელო კარიერას გააგრძელებდა.

სკოლის დამთავრების შემდეგ, ულუსოი ლანდშაფტის დიზაინის ფაკულტეტზე ჩაირიცხა, თუმცა მეგობრებისა და ოჯახის წევრების რჩევა არ დავიწყებია, რომ მსახიობობაშიც ეცადა ძალები. თეატრალურ სკოლაში სამსახიობო გაკვეთილების გავლაც დაიწყო.

სტუდენტობის წლებში ულუსოი დედაქალაქის სამოდელო სააგენტოს წარმომადგენლებმა შენიშნეს. მოხდა ის, რაც მისმა მასწავლებლებმა იწინასწარმეტყველეს: ულუსოი მოდელი გახდა. მისი კარიერა ამ სფეროში სწრაფად განვითარდა. 20 წლის ასაკში მან მშობლიურ თურქეთში „საუკეთესო მამაკაცი მოდელის“ ტიტული მოიპოვა. ამ ნამუშევარმა სტუდენტს პირველი შემოსავალი მოუტანა. თუმცა, მოგვიანებითაც კი, დატვირთული გადასაღები მოედნების მიუხედავად, ულუსოიმ მოდელად მუშაობა განაგრძო.

კარიერა

ჩაგათაის კინოკარიერა 2010 წელს დაიწყო. მსახიობი ეპიზოდურ როლში გამოჩნდა კომედიის „რეჯეპ ივედიკის“ მესამე სეზონში. ულუსოიმ მოცეკვავის როლი შეასრულა.

თუმცა, თავად მსახიობი თავის ნამდვილ დებიუტად ფილმს „ანატოლიის არწივებს“ მიიჩნევს. მან ითამაშა თურქეთის საჰაერო ძალების უშიშარი პილოტის, ქარიზმატული მამაკაცის როლი. ფილმმა მაღალი რეიტინგი მოიპოვა და შვიდი ქვეყნის ეთერში გავიდა.

ახალგაზრდა მსახიობმა ნამდვილი პოპულარობა 2011 წელს სერიალის „მე მას ფერიჰას ვეძახდი“ გამოსვლის შემდეგ მოიპოვა. ამ მელოდრამამ ჩაგათაი პოპულარობის პიკზე აიყვანა როგორც სამშობლოში, ასევე მის ფარგლებს გარეთ. ეთერში გასვლის დროს სერიალი საზღვარგარეთ ნაჩვენები ყველაზე პოპულარული თურქული პროექტი აღმოჩნდა.

ამ ფილმის გამოსვლის შემდეგ, ჩაგათაი ულუსოიმ რამდენიმე შეთავაზება მიიღო ცნობილი თურქი რეჟისორებისგან. მაღალრეიტინგული ისტორიული სერიალის „დიდებული საუკუნის“ გაგრძელებაშიც გამოჩნდა. ასევე რამდენიმე წარმატებულ სერიალში - „ველურ თაფლში“ (რომლის საუნდტრეკშიც მან წვლილი შეიტანა. მის მიერ შესრულებული სიმღერა მოულოდნელად თურქეთში ჰიტად იქცა), „იეშილჩამში“, რომელსაც სახელი 1950-იანი წლების ყველაზე პოპულარული თურქული კინოსტუდიის მიხედვით დაერქვა.2022 წლის შემოდგომაზე, ულუსოიმ, მისმა მეგობარმა კივანჩე ტატლიტუგემ, უარი თქვა სერიალში მონაწილეობაზე, რომელიც ქალთა მიმართ ძალადობაზე იყო ორიენტირებული. თუმცა, მსახიობი სამსახურის გარეშე არ დარჩენილა - მან მთელი თავისი დრო დრამატული თრილერის „მკერავის“ გადაღებას დაუთმო.

პირადი ცხოვრება

ჩაგათაი გადასაღებ მოედანზე სულ დაკავებულია, პოპულარობის პიკშია და კინოინდუსტრიაში მოთხოვნადია. მისი გრაფიკი მჭიდროდ არის დაგეგმილი. გასაკვირი არ არის, რომ ჩაგათაის პირად ცხოვრებას პაპარაცები ყურადღებით აკვირდებიან, რადგან ის მშობლიურ ქვეყანაში ვარსკვლავია. ცნობისმოყვარე ჟურნალისტები და გულშემატკივრები მის ყოველ ნაბიჯსა და თანამგზავრს აფიქსირებენ.

მსახიობს კოლეგებთან რამდენიმე ურთიერთობა ჰქონდა, რომელთაგან არცე რთი ქორწინებით არ დასრულებულა. პირველი, მსახიობ სერენაი სარიქაიასთან, ხანმოკლე აღმოჩნდა. შემდეგ მას რომანტიკული ურთიერთობა ჰქონდა დერია შენსოისთან. რომანს ჩრდილი მიაყენა ჭორებმა, რომ წყვილი ერთად უკანონო ნივთიერებების მოხმარებაში დაიჭირეს. თუმცა, მსახიობი ამტკიცებდა, რომ მისი კარიერა იმდენად კარგად ვითარდებოდა, არ არსებობდა მიზეზი, ნარკოტიკების მოხმარების გამო კარიერა საფრთხეში ჩაეგდო.ჩაგათაი ასევე კოლეგასთან, ლეილა ტუღუტლუსთან ერთად შენიშნეს, თუმცა თავად ამტკიცებდა, რომ მათი ურთიერთობა წმინდა მეგობრული იყო. ულუსოის თაყვანისმცემლები 2021 წელს მისი ქორწინების ამბავმა გაოგნა. რამდენიმე გამოცემამ გაავრცელა ინფორმაცია, რომ გეგმავდა თავისი ურთიერთობის რეგისტრაციას დუიგუ სარიშინთან, რომელთანაც იმ დროს რამდენიმე წელი ხვდებოდა.

თუმცა, წყვილის კავშირი ოფიციალური არასდროს გამხდარა. ის კვლავაც სხვადასხვა კოლეგას ხვდება და არ დაქორწინებულა.

ულუსოიმ დიდი ხანია გადალახა დამწყები მსახიობის სტატუსი; ამჟამად ერთდროულად რამდენიმე პროექტში იღებს მონაწილეობას და მოთხოვნადია თავის სფეროში. სერიალ „დაუნდობლის“ მთავარ პერსონაჟად გადაქცევისთვის, მნიშვნელოვნად შეიცვალა გარეგნობა - მოიმატა წონაში და კიდევ უფრო გაახარა გულშემატკივრები.

ამავდროულად, საკმაოდ წარმატებულია მელოდრამა „Kübra“, რომელმაც მისი პოპულარობა გააორმაგა.

რატომ დაიწუნა მდიდარმა სადედამთილომ ულამაზესი თურქი მსახიობი და ქორწილიც ჩაუშალა - ჰანდე ერჩელის უიღბლო სიყვარული

ყველაზე განხილვადი თურქი მსახიობი, რომელიც მაყურებელს საოცარ ემოციებს აღუძრავს, გახმაურებულ სერიალში გამოჩნდა

თურქული კინოს ახალი ვარსკვლავი, რომელმაც ცნობილი თურქი მსახიობის გული დაიპყრო - გოგონა უმანკოების მუზეუმიდან