9 წლის გოგონა, რომელსაც სამი დღე ეძებდნენ და გამტაცებელი მალავდა, საბედნიეროდ, ცოცხალი იპოვეს - მშობლები
9 წლის გოგონა, რომელსაც სამი დღე ეძებდნენ და გამტაცებელი მალავდა, საბედნიეროდ, ცოცხალი იპოვეს
სამი დღის განმავლობაში პოლიცია, მოხალისეები და ოჯახის წევრები სკოლის მოსწავლე გოგონას, რომელიც ძაღლთან ერთად სასეირნოდ გავიდა და შინ აღარ დაბრუნებულა, ყველგან ეძებდნენ.
ბავშვის გაუჩინარების საშინელი ამბავი ამჯერად კარგად დასრულდა. ცხრა წლის საშა, სმოლენსკიდან, ცოცხალი იპოვეს! გოგონა ამჟამად საავადმყოფოში იმყოფება და მასთან ფსიქოლოგები მუშაობენ.
მედიის ცნობით, ეჭვმიტანილი 43 წლის სერგეია, რომელიც ადრე ნარკოტიკების შენახვის გამო იყო ნასამართლევი. როგორც ცნობილია, მამაკაცმა აღიარა, რომ გოგონას ექვსი თვის განმავლობაში უთვალთვალებდა, შემდეგ კი გაიტაცა და პარტნიორის ბინაში წაიყვანა. ამ ეტაპზე ქალი მოწმის როლს ასრულებს - ის ამბობს, რომ კაცმა ბავშვი მას დისშვილად გააცნო...
ეჭვმიტანილის კვალი სათვალთვალო კამერების საშუალებით დაფიქსირდა. მათ სერგეი გ.-ს მანქანა ნახეს, რომლითაც საშა გაურკვეველი მიმართულებით მიჰყავდა. მანქანის კვალის დადგენის შემდეგ, პოლიციამ გოგონას დნმ და მამაკაცის SIM ბარათი იპოვა - მისი გამოყენებით გოგონას ბინაში მიაგნეს. პირველადი გამოკვლევით, ბავშვს ძალადობის კვალი არ ეტყობა; საშას საავადმყოფოდან მალე გაწერენ. გამოძიება მიმდინარეობს და ახლა უნდა დადგინდეს, რა გახდა ბავშვის გატაცების მიზეზი.
