გაასამართლეს სკანდალური ბლოგერი, რომელიც მამაკაცებს ქალების გაუპატიურებას ასწავლიდა - "ქალი 24/7-ზე ფეხშიშველი, წინსაფრიანი და თავდახრილი სამზარეულოში უნდა იდგეს..." - მშობლები

ბლოგერ არსენ მარქარიანს, რომელმაც აღიარა არასრულწლოვნების შევიწროება და ქალების გაუპატიურების შესახებ რჩევების მიცემა, ასევე ნაციზმის პროპაგანდისთვის, ოთხწელიწად-ნახევარი პატიმრობა მიესაჯა.

30 წლის ბლოგერი ნაციზმის რეაბილიტაციის ორ ეპიზოდში დამნაშავედ ცნეს მეორე მსოფლიო ომის გმირის, ალექსანდრე მატროსოვის შესახებ გაკეთებული განცხადებების გამო. სასჯელის გარდა, რომელსაც ის ზოგადი რეჟიმის კოლონიაში მოიხდის, მარკარიანს მომდევნო ოთხი წლის განმავლობაში ინტერნეტის გამოყენება ეკრძალება.

გამომძიებლების თქმით, არსენ მარქარიანმა ინტერნეტში ვიდეო გამოაქვეყნა, რომელშიც საბჭოთა კავშირის გმირის ხსოვნას შეურაცხყოფდა. ბლოგერმა აღიარა დანაშაული და სინანული გამოთქვა. მან მოითხოვა შემამსუბუქებელი გარემოებების გათვალისწინება: მაგალითად, მას ცოტა ხნის წინ მეორე შვილი, ქალიშვილი, შეეძინა და ადრე ჯარისკაცებს სპეციალურ სამხედრო ოლქში ეხმარებოდა. პროკურატურამ მარქარიანისთვის ექვსი წლითა და 10 თვით თავისუფლების აღკვეთა მოითხოვა.

ის გასული წლის აგვისტოში რუსეთიდან ბელარუსში გამგზავრების მცდელობისას დააკავეს - პოლიციამ ის მანქანის საბარგულში იპოვა.

არსენ მარქარიანი ძირითადად ცნობილია ქალთმოძულე განცხადებებით. თავიდან დაიწყო ბლოგი ვეგანიზმის შესახებ, მაგრამ მოგვიანებით დაიწყო კურსების ჩატარება „მამაკაცის თვითგანვითარების“ შესახებ. მისი ფილოსოფია ხშირად მოიიცავდა ქალთმოძულე იდეებს: ის თვლიდა, რომ ქალები ინტელექტუალურად და ფიზიკურად მამაკაცებზე დაბლა დგანან. მაგალითად, ერთ-ერთ ვიდეოში ბლოგერმა განაცხადა, რომ ქალი „ფეხშიშველი უნდა იდგეს, ორსულად, საცვლების ამარა, წინსაფრით, თავით დახრილი და ჩუმად სამზარეულოში - 24/7“. მან ასევე საჯაროდ ქალთა მიმართ ძალადობას „სასარგებლო გამოცდილება“ უწოდა და თავის მიმდევრებს ურჩია ამის გაკეთების „სწორი“ გზა. მარქარიანმა ასევე აღიარა, რომ ურთიერთობა ჰქონდა 12 და 13 წლის არასრულწლოვან გოგონებთან, მაგრამ მოგვიანებით განაცხადა, რომ ხუმრობდა.

თუმცა საბოლოოდ, ის არა ამ განცხადებების გამო, არამედ რუსი ეროვნული გმირის შეურაცხყოფისთვის დააპატიმრეს.

არსენი რუსეთშია დაბადებული, რუსეთის მოქალაქეა. რამდენჯერმე ბლოგში ახსენა, რომ ეროვნების გამო სკოლის წლებში არაერთხელ გახდა ჩაგვრის და სკინჰედების თავდასხმის მსხვერპლი. მოგვიანებით აღმოსავლური ორთაბრძოლები ისწავლა და ამბობს, რომ შეჯიბრებებშიც მონაწილეობდა. ტაილანდში მოგზაურობის შემდეგ კი დაინტერესდა ვეგანიზმით და ბლოგერობა დაიწყო, რასაც ქოუჩობა მოჰყვა და შემდეგ სულ სხვა იდეები გაჩნდა მის ბლოგში, რომელიც საკმაოდ პოპულარული იყო მამაკაცებს შორის.

ვერ ვიტან ქალზე ტანსაცმელს! იარეთ ვახშამზე საცურაო კოსტიუმითა და მაღალქუსლიანი ფეხსაცმლით - კანიე უესტის მორიგი სკანდალური განცხადებები და შეურაცხყოფის კასკადი კიმ კარდაშიანის, ტეილორ სვიფტისა და მადონას მისამართით

დიახ, მე ვდომინირებ ჩემს ცოლზე! არ მინდა ეს ფემინისტური ნაგავი... ის მილიარდერთან ცხოვრობს და თქვენ, სულელ ღატაკებს გისმინოთ? - კანიე უესტმა სკანდალური პოსტები გამოაქვეყნა ცოლზე, ნაცისტებზე და ებრაელებზე