59 წლის ვენსან კასელი ერთი წლის ვაჟთან და 28 წლის მიჯნურთან ერთად ცხოვრებით ტკბება - ოჯახურ ფოტოებს დიდი გამოხმაურება მოჰყვა - მშობლები
59 წლის ვენსან კასელი ერთი წლის ვაჟთან და 28 წლის მიჯნურთან ერთად ცხოვრებით ტკბება - ოჯახურ ფოტოებს დიდი გამოხმაურება მოჰყვა
ფრანგი მსახიობი ვენსან კასელი და მისი ახალგაზრდა რჩეული, ნარა ბაპტისტა, რიო-დე-ჟანეიროს სანაპიროზე ისვენებენ, სადაც პაპარაცების ობიექტივში მოყვნენ.
ფოტოებზე 59 წლის მსახიობი ძალიან ბედნიერი ჩანს. ის საუკეთესო ცხოვრებით ცხოვრობს 28 წლის შეყვარებულ ნარა ბაპტისტასთან და ერთი წლის ვაჟ კაეტანოსთან ერთად.
2025 წლის იანვარში კასელს მეოთხე შვილი და ნანატრი ვაჟი შეეძინა.
"კაეტანო, მადლობა, ბიჭუნავ, რომ მე ამირჩიე შენს დედად. ეს სიყვარული არ ეტევა ჩემში, სავსე ვარ მისით, ვტირი, ვტირი და ვტირი. მაგრამ ეს წმინდა სიყვარულია! ზუსტად ერთი კვირის წინ დაიბადე და მეც ხელახლა გავჩნდი", - წერდა მაშინ მოდელი ნარა.
მიუხედავად იმისა, რომ ვენსანი ნარასთან ძალიან ბედნიერია, დაქორწინებას ჯერ არ ჩქარობს. ნარა მის გვერდითაა უქმეებზეც და ღონისძიებებზეც. მათი წყვილი ერთ-ერთ ყველაზე განხილვად წყვილად მიიჩნევა შოუბიზნესში.
კაეტანო ვენსანის მეოთხე შვილია. 2023 წლამდე მსახიობი დაქორწინებული იყო ტინა კუნაკიზე, რომელიც მასზე 30 წლით უმცროსია; 2019 წელს მათ ქალიშვილი, ამაზონი, შეეძინათ, რომელსაც მსახიობი ახლაც აქცევს ყურადღებას.
მანამდე ფრანგი მსახიობი მონიკა ბელუჩიზე იყო დაქორწინებული. წყვილს ორი შვილი ჰყავს, დევა და ლეონი.
