"პატრიარქის გარდაცვალებას ვისაც ყველაზე მეტად ვუსამძიმრებ - შორენა თეთრუაშვილია… არ მგონია, მასზე თავდადებული ვინმე ჰყოლოდა პატრიარქს…" - პეტრე კოლხი - მშობლები

პეტრე კოლხი (კვარაცხელია) სოციალურ ქსელში პატრიარქის გარდაცვალებასთან დაკავშირებით რამდენიმე პოსტს აქვეყნებს:

"დამირეკეს….პატრიარქი გელოდებაო….სამებაში ვიყავი, პარასკევის ლოცვა ახალი დამთავრებული იყო, ბოლო აღსარებას ვიბარებდი, ოლარი გზაში მოვიხსენი, ავტომობილი დავქოქე და მისვლამდე ვინ იცის, რამდენჯერ მივედი, მივესალმე და თავი დავხარე…. ვითომ რეპეტიციებს გავდიოდი, მაგრამ ყველაზე მთავარი ის არის, მასთან არ გჭირდებოდა მომზადება. თავისუფალი და უშუალო იყო, შენგანაც იგივეს ითხოვდა….მესამე სართულზე რომ ავედი, კარი შემიღეს, დიდ ოთახში გელოდებაო….კარიდან არც თუ ისე შორს, თეთრებში გამოწყობილი იდგა და ორივე ხელში პარკი ეჭირა…. ეს ყველი არის, მეორე შოკოლადებით სავსეა და სახლში ბავშვებს მიუტანეო….ასე, პარკებით ხელში ჩამოვიარე სამი სართულის კიბეები, მაგრამ დაბლა კი არა, მოულოდნელად მეცხრე ცაზე აღმოვჩნდი…."