„ძალიან მიჭირს… არ ვიცი, როგორ გავუძლებ” - ნაირა ნაჩხატაშვილი კათოლიკოს-პატრიარქს „დაიტირებს” მის უკანასკნელ გზაზე - მშობლები
„ძალიან მიჭირს… არ ვიცი, როგორ გავუძლებ” - ნაირა ნაჩხატაშვილი კათოლიკოს-პატრიარქს „დაიტირებს” მის უკანასკნელ გზაზე
პატრიარქის საგალობლების შემსრულებელი ნაირა ნაჩხატაშვილი, რომელსაც საზოგადოება განსაკუთრებულად წითელ პარასკევს შესრულებული იესოს დატირებით იცნობს, "ახალ დღეში" ანი კეკუას მუსიკალური რუბრიკის სტუმარი იყო და ვრცლად ისაუბრა ილია მეორის გაცნობაზე, თავის საქმიანობაზე კონსერვატორიიდან დღემდე, და ილია მეორის დატირებაზე.
- ჩვენმა უწმინდესმა მოისურვა, რომ ხალხი მოეზიდა ტაძარში... ყველაფერს ყურადღებას აქცევდა, სულ უნდოდა, რომ წინსვლები ყოფილიყო, ხალხი მოსულიყო, მორწმუნე გამხდარიყო ყველა, ყველას ეწამა ღმერთი...კომპოზიტორებს დაევალათ და მართლაც შეიქმნა დატირება. უწმინდესმა მოისურვა, რომ დავით გურამიშვილის ტექტზე შესრულებულიყო დატირება, ვაი რა კარგი საჩინო... გადაწყდა, რომ მე უნდა მეგალობა...
მანამდე ქალბატონმა ნაირამ კიდევ ერთ სატელევიზიო ინტერვიუშიც აღნიშნა, რომ მიუხედავად ემოციებისა, აუცილებლად შეასრულებს იმ საგალობელს, რომელიც პატრიარქს ძალიან უყვარდა.
"იმდენად მტკივნეულია, ვხედავ მთელს საქართველოს როგორ გიყვართ პატრიარქი, ჩვენი მამა აღარ არის, მაგრამ ის ახლა ღმერთთან არის, ეჭვი ამაში არავის არ ეპარება. შეეძლო თუ არ შეეძლო, ის სულ გვლოცავდა და ეს ლოცვა შეგეწიოთ თქვენ ყველას...ჩვენ 47 წელი გავატარეთ ერთად, ყველა საგალობელი უყვარდა, "დავიღალე, მოდი ჩემთან უფალო" უნდა შევასრულო... გამიჭირდება, მაგრამ როგორ შეიძლება ეს არ გავაკეთო".
