"35 წლის წინ..." - თეა დარჩიას საარქივო ფოტო მეუღლესთან ერთად და ოჯახური კადრები - მშობლები

მოცეკვავე და ქორეოგრაფი თეა დარჩია მეუღლესთან, ასევე ყოფილ მოცეკვავე - ელგუჯა მათიაშვილთან, ერთად გადაღებულ საარქივო ფოტოს აქვეყნებს, წარწერით: "35 წლის წინ".

ფოტოს კომენტარებში ბევრი აღნიშნავს, რომ თეას ძალიან ჰგავს მისი ქალიშვილი იოანა, რომელიც მის სტუდიაში ცეკვავს და ოჯახურ ტრადიციას აგრძელებს.

როგორც ცნობილია, თეა 4 შვილის დედა და ერთი შვილიშვილის ბებიაა - მის ქალიშვილს, ასევე სუხიშვილების მოცეკვავე მარიამ მათიაშვილს პატარა ქალიშვილი ჰყავს.

ასევე დაქორწინებულია თეას უფროსი ვაჟი მირიანი.

მრავალშვილიანი დედობის მიუხედავად, თეას ცეკვა არასდროს შეუწყვეტია და მცირეწლოვან ბავშვებსაც ხელი არ შეუშლიათ, რომ ყოველთვის წარმატებული და აქტიური ყოფილიყო. გენეტიკის წყალობით ფორმაშიც მალევე დგებოდა და საყვარელ საქმეს უბრუნდებოდა. თეას შვილები ისე გაიზარდნენ, რომ ძიძა არც ერთისთვის არ აუყვანია, ძირითადად ოჯახის წევრები, დედა და და ეხმარებოდნენ, თუმცა ამ საქმეში ძირითადი წვლილი მაინც მის მეუღლეს მიუძღვის.

- პირველი შვილი 19 წლის ასაკში შემეძინა... სხვადასხვა ასაკში ამ მნიშვნელოვან მოვლენას, რასაკვირველია, ემოციურად სხვადასხვაგვარად აღიქვამ, თუმცა ამ ემოციას სიძლიერის მიხედვით ნამდვილად ვერ განვასხვავებ. უბრალოდ წლების სვლასთან ერთად, ვიზრდებით, ვვითარდებით და უფრო სხვა ფასი ედება დედობას.... ყველაფერი იწყება და მთავრდება ღმერთის წყალობით და ჩემი ცხოვრებაც ამის მაგალითია. თუ წყალობა არ გაქვს ღმერთის, რაც არ უნდა იწვალო და იჯახირო ადამიანმა, არაფერი გამოგივა. ღმერთს ვუხდი პირველ რიგში დიდ მადლობას და მერე ოჯახის წევრებს, რომლებიც თავდაუზოგავად მეხმარებოდნენ შვილების გაზრდაში... პირველ ორსულობაზე სცენაზე ოთხ თვემდე ვიდექი, მეორეზე - უფრო ადრე გავედი დეკრეტში, მესამე და მეოთხე ორსულობისას კი - პირველივე თვეებიდან, რადგან ასაკიდან გამომდინარე ვფრთხილობდი და აღარ ვიტვირთებოდი", - ამბობს თეა mshoblebi.ge-სთან ინტერვიუში.

თეა დარჩიას მიერ შესრულებული შთამბეჭდავი ცეკვა რუსთაველზე, ახალი წლის ღამეს(ვიდეო)

სულ პროტესტი მქონდა დედას პროფესიის მიმართ, იმიტომ, რომ ბავშვობაში დედა მაკლდა... მაგრამ იდეალი იყო თეა და სწორედ მისი პროფესია ავირჩიე - მარიამ მათიაშვილი და თეა დარჩია სასცენო კონკურენციაზე, სიმკაცრეზე და სხვა დედაშვილურ ამბებზე

თეა დარჩიას უფროსი ქალიშვილი, სუხიშვილების მოცეკვავე მარიამ მათიაშვილი დაქორწინდა - ფოტოები ქორწილიდან