"მცენარეული რკინის ასათვისებლად საჭიროა ინგრედიენტების სწორი კომბინაცია..." - გემრიელი და რკინით მდიდარი კერძის რეცეპტი ნატა გაგუასგან - მშობლები
"მცენარეული რკინის ასათვისებლად საჭიროა ინგრედიენტების სწორი კომბინაცია..." - გემრიელი და რკინით მდიდარი კერძის რეცეპტი ნატა გაგუასგან
ექიმი-ნუტრიციოლოგი, ენდოკრინოლოგინატა გაგუა ჯანსაღი და გემრიელი კერძის რეცეპტს უზიარებს გამომწერებს - საუკეთესო კომბინაციას ანემიის წინააღმდეგ:
"გრძნობთ მუდმივ დაღლილობას მაშინაც კი, როცა გამოიძინეთ?ხშირად ანემია „ჩუმად“ იწყება:
- ძილიანობა და სისუსტე;
- თავბრუსხვევა;
- კონცენტრაციის დაქვეითება.
თუ ეს სიმპტომები თქვენთვის ნაცნობია, დიდი ალბათობით მარტო არ ხართ — რკინის დეფიციტი მსოფლიოში ერთ-ერთი გავრცელებული პრობლემაა.
ბევრი ამ სიმპტომებს სტრესს მიაწერს, თუმცა მიზეზი ხშირად რკინის დეფიციტია. საკვები მხოლოდ კალორიები არ არის - ის ბიოქიმიური ინფორმაციაა ჩვენი სხეულისთვის.მცენარეული რკინის ასათვისებლად საჭიროა ინგრედიენტების სწორი კომბინაცია. გაიცანით ხავერდოვანი ჭარხლის ჰუმუსი - თქვენი ენერგიის წყარო!
ჭარხლის ჰუმუსი (3 პორცია)
ინგრედიენტები:
- შემწვარი ჭარხალი 200 გ;
- მოხარშული წითელი ოსპი 180 გ;
- ტაჰინი 1 სუფრის კოვზი;
- ზეითუნის ზეთი (Extra Virgin) 1 სუფრის კოვზი;
- ლიმონის წვენი 2 სუფრის კოვზი;
- ნიორი 1 კბილი;
- ძირა და შებოლილი პაპრიკა ¼ ჩაის კოვზი;
- ზღვის ან ჰიმალაის მარილი გემოვნებით.
მოსართავად: ტკბილი წითელი წიწაკა (C ვიტამინის საბადო! ) 80 გ, ბროწეული 40 გ და ქინძი 15 გ.
მომზადების წესი:
- ჭარხალი დაჭერით კუბებად, მოასხით ცოტა ზეთი და გამოაცხვეთ 180°C-ზე 20–25 წუთის განმავლობაში.
- ბლენდერში მოათავსეთ ჭარხალი, ოსპი, ტაჰინი, ზეთი, ლიმონის წვენი, ნიორი და სანელებლები.
- დააბლენდერეთ ერთგვაროვანი მასის მიღებამდე. დაამატეთ 2 სუფრის კოვზი ოსპის ბულიონი ხავერდოვანი ტექსტურისთვის.
- ბოლოს შეურიეთ წვრილად დაჭრილი ტკბილი წიწაკა.
რკინის მაქსიმალური ათვისებისთვის, ამ კერძის მიღებიდან 2 საათის განმავლობაში არ დალიოთ ჩაი ან ყავა, რადგან მათში არსებული ტანინები ამცირებს რკინის აბსორბციას.
