მოკლული მასწავლებლის, გიგა ავალიანის დედა, ეკა კუპატაძე პოდკასტის "შენი ამბავი" სტუმარი იყო. მან თავისი ცხოვრების წარსული წლები გაიხსენა, თუ როგორ დარჩა განქორწინების შემდეგ ფეხმძიმე, მარტო პატარა შვილთან ერთად, როგორ გაიზარდნენ გიგა და მისი ძმა ნიკა, როგორ ცხოვრობდნენ ამ ტრაგედიამდე. გთავაზობთ რამდენიმე ამონარიდს ამ ინტერვიუდან:
"გიგაზე ფეხმძიმედ ვიყავი, ნიკა მყავდი არც კი ორი წლის, როცა დავრჩი მეუღლის გარეშე. ძალიან მიყვარდა ჩემი მეუღლე და მეგონა, რომ თუკი მის სახლში დავბრუნდებოდი, აქ აღარ ჩავწვრილმანდები, თუკი მის სახლში დავუბრუნდებოდი, მას შანსს მივცემდი ჩვენთან დაახლოებისას... თუკი სურვილი ექნებოდა. დასაფარი არაფერი არ მაქვს, მაგრამ არ მინდა ამაზე საუბარი. არც ის მინდა ვინმემ ისე გაიგოს, რომ რადგან მე და ჩემი მეუღლე ერთმანეთს დაცილებული ვიყავით, თითქოს ნიკას და გიგას ცუდი გენი აქვთ. არა, ნიკას და გიგას ძალიან კარგი გენი აქვს, მაგრამ დაგვენგრა ოჯახი. დავრჩი გიგაზე ექვსთვენახევრის ფეხმძიმე. არც ვიყავი 24 წლის. ეს იყო 90-იანი წლები. წავედი მეუღლის ოჯახში. მშბლებიც მეხმარებოდნენ, მაგრამ მაინც საკუთარ მხრებზე მომიწია ამ ყველაფრის გადატანა. ქალი და კაცი ერთდროულად ვიყავი, ვენახიც მომიწამლავს, სახურავიც გადამითოვლავს, ხარურემსაც გავძღოლილვარ..." - იხსენებს ეკა კუპატაძე დაკითხვაზე, ყველაზე მეტად რა გიჭირდათ მაშინ, პასუხობს: