რომელი საგანში გაასაჩივრა ყველაზე მეტმა აბიტურიენტმა მიღებული შეფასება და რამდენს მოემატა ქულა - 2026 წლის სტატისტიკა - მშობლები

2026 წლის ერთიანი ეროვნული გამოცდების მონაწილეთა საპრეტენზიო განაცხადების განხილვის შედეგები უკვე ცნობილია.

2026 წელს 118907 ნაშრომიდან გასაჩივრდა 3 095, რაც აბიტურიენტების ნაშრომების საერთო რაოდენობის მხოლოდ 2.60%-ია. წელს, ისევე როოგორც გასულ წელს, ყველაზე მეტმა გამოსაცდელმა ქართული ენისა და ლიტერატურის გამოცდის შედეგი გაასაჩივრა. არავის მოუმართავს საპრეტენზიო განაცხადით ოსურ ენასა და ფრანგულ ენაში.

გასაჩივრებული ნაშრომების რაოდენობა საგამოცდო საგნების მიხედვით:

ქართული ენა და ლიტერატურა - 1136;

ზოგადი უნარები (სომხურ ენაზე) – 23;

ზოგადი უნარები (აზერბაიჯანულ ენაზე) – 6;

ინგლისური ენა - 515;

რუსული ენა - 7;

გერმანული ენა - 1;

ფრანგული ენა - 0;

ოსური ენა - 0;

მათემატიკა - 488;

ისტორია - 340;

გეოგრაფია - 38;

ბიოლოგია - 264;

ქიმია - 68;

ფიზიკა - 37;

ლიტერატურა - 31;

სახვითი და გამოყენებითი ხელოვნება - 7;

სამოქალაქო განათლება - 134.

შეფასება შეიცვალა სულ 928 ნაშრომის შემთხვევაში, რაც საერთო რაოდენობის მხოლოდ 0.78%-ია. ქულა მოემატა 921 ნაშრომს, ხოლო ქულის დაკლება მოხდა 7 ნაშრომის შემთხვევაში.

აბიტურიენტებს, რომლებსაც აპელაციის შედეგად შეეცვალათ შეფასება ან უარი თქვეს საპრეტენზიო განაცხადის წარდგენაზე, აპელაციისათვის გადახდილი თანხა წინასწარ გამოქვეყნებულ ვადებში წარმოდგენილი განცხადების საფუძველზე უკან დაუბრუნდებათ.