თურქი ბრედ პიტი ბავშვებზე ოცნებობს - მშობლები

დედა, რომელმაც ყველაზე დიდი გავლენა მოახდინა მის წარმატებაზე და 14 წლით უფროსი საცოლე ამ მსახიობს უკვე ბევრი დიასახლისის გული დაუპყრია. ამჯერად "ქუზეი გუნეის" მთავარ როლშია. ქივანჩ თათლითუ მრავალშვილიან ოჯახშია დაბადებული (ოთხი და-ძმა ჰყავს) 1983 წელს, თურქეთის ქალაქ ადანში. მისი მშობლების რამდენიმე თაობა მცხობელები იყვნენ.

ლამაზი გარეგნობის ბიჭს სკოლაში კალათბურთი შეუყვარდა. მოგვიანებით მშობლებთან ერთად სტამბოლში გადავიდა საცხოვრებლად, სადაც საკალათბურთო კლუბის წევრი გახდა. თუმცა ფეხის ტრავმამ სპორტული ოცნებები გაუქრო და დედის რჩევით, სამოდელო სფეროში ჩაერთო. ერთ წელიწადში, დიდი შრომისა და კარგი გარეგნობის წყალობით, პრესტიჟული სამოდელო კონკურსების გამარჯვებული გახდა - ჯერ თურქეთში, მერე - მსოფლიო მასშტაბით.

სამოდელო სფეროს ვარსკვლავი მალე კინოპროდიუსერებმაც შენიშნეს, მოსინჯეს და... მალე ნამდვილი მსახიობი გახდა, ცნობილი ვარსკვლავი, რომელსაც თურქ ბრედ პიტს ეძახიან.

რასაკვირველია, ბევრი ფანი ჰყავს. რაც შეეხება საყვარელ ქალებს, არც ისე მცირე "მონაგარი" აქვს. მისი მიჯნური კარგა ხანს იყო "მის მფლოლიოს-2002", მსახიობი აზრა აკინი. მერე იყო 14 წლით უფროსი მელთემ ჯამბული. შემდეგ მცირე ხანს ხვდებოდა თურქი მილიონერის ქალიშვილ იდილ ფირატს. ახლა კი კვლავ მელთემს ხვდება და ამბობენ, რომ სავარაუდოდ მასვე მოიყვანს ცოლად.

ქივანჩი ამბობს, რომ მისთვის ყველაზე მთავარი ოჯახია და ნაკლებად აქცევს ყურადღებას ფულს. უყვარს თავისი ქვეყანა, სახლი, რომელშიც ცხოვრობს მისი ერთგული მეგობარი - დობერმანი პარსი. ქივანჩი ოცნებობს, რომ მისი სახლის ყოველი ადგილი, ყველა ოთახი ბავშვების ხმებით იყოს სავსე, საინტერესო დისკუსიებითა და საუბრებით.