ირაკლი კობახიძე წარსულში ცნობილი პოლიტიკოსის, გია კობახიძის შვილია "ქართულმა ოცნებამ" უკვე საბოლოოდ დაადასტურა, რომ ახალი პარლამენტის თავმჯდომარე ირაკლი კობახიძე იქნება.
38 წლის კობახიძეს, წინამორბედ დავით უსუფაშვილისგან განსხვავებით ხანმოკლე პოლიტიკური მოღვაწეობის გამოცდილება აქვს. 2015 წლის იანვრიდან "ქართული ოცნება - დემოკრატიული საქართველოს" აღმასრულებელი მდივანი და პოლიტიკური საბჭოს წევრი გახლდათ. იქამდე კი არაერთ საერთაშორისო ორგანიზაციასა და საგანმანათლებლო დაწესებულებებში მოღვაწეობის გამოცდილება აქვს.
"ქართული ოცნების" ოფიციალურ საიტზე, ირაკლი კობახიძის შესახებ შემდეგი ბიოგრაფიული ცნობები მოიპოვება - განათლებით იურისტი კობახიძე 1978 წლის 25 სექტემბერსაა დაბადებული. პარლამენტის მომავალ თავმჯდომარეს ჰყავს მეუღლე - ნატალია მოწონელიძე და ორი ვაჟი - გიო და ნიკუშა კობახიძეები.
ირაკლი კობახიძე წარსულში ცნობილი პოლიტიკოსის, გია კობახიძის შვილია, რომელიც 1995-1999 წლებში პარლამენტის თავმჯდომარის მოადგილე გახლდათ. განაგრძეთ კითხვა