"მშობლებს სულ ხუთი ბავშვი ჰყავთ. რაგული პატარაობიდან შრომობს, სიცხეში და ყინვაში საქონელს მწყემსავს..." ამ პატარა ბიჭის წერილმა საზოგადოებაში დიდი გამოხმაურება ჰპოვა - მწყემსი ბიჭი თოვლის პაპას სწერდა (იხილეთ მისი წერილი) მეათე კლასელი რაგულ გიგაშვილი ხაშურის მკვიდრია და საქონელს მწყემსავს. რაგულიმ თოვლის ბაბუას წერილი პირველად დაუწერა და ეს სოფელ ცოცხნარას, ღვთისმშობლის მიძინების ტაძრის მღვდელმსახურის, დეკანოზ სერაფიმე გოგალაძის დახმარებით გააკეთა. წერილი სოციალურ ქსელში გავრცელდა და მას დიდი გამოხმაურება მოჰყვა.
Ambebi.ge დეკანოზ სერაფიმეს დაუკავშირდა.
- ეს ბიჭუნა ჩემი მრევლია, სოციალურად დაუცველი ოჯახის შვილია. მშობლებს სულ ხუთი ბავშვი ჰყავთ, გოგოები გათხოვდნენ. რაგული პატარაობიდან შრომობს, სიცხეში და ყინვაში საქონელს მწყემსავს. საკმაოდ რთულ პირობებში უწევს მუშაობა, რადგან ჩვენი რაიონი მგლებით არის სავსე, მაგრამ რა ქნას, სხვა შემოსავალი მის ოჯახს არ აქვს. ღარიბი ოჯახია და უმძიმეს პირობებში ცხოვრობენ.
- მხოლოდ რაგულია შემომტანი ოჯახში?
- მამამისი მუშაობდა ადრე, მაგრამ ფილტვებზე მძიმე დიაგნოზი დაუსვეს და აღარ შეუძლია მუშაობა. რაგული მწყემსავს საქონელს, ზოგი ფულს უხდის, ზოგი ისე ეხმარება და ასე გააქვს ცხოვრება. განაგრძეთ კითხვა