ბარბარა ბრილსკას ბედის ირონია და პირადი ტრაგედია - მშობლები

როგორ დაკარგა ცნობილმა მსახიობმა ერთადერთი ქალიშვილი... ყოველ ახალ წელს პოლონელი მსახიობი ბარბარა ბრილსკა უამრავ მაყურებელს ახსენდება ელდარ რიაზანოვის განუმეორებელი ფილმით "ბედის ირონია, ანუ გაამოთ". თუმცა ბევრმა არ იცის, რომ ნაზი მასწავლებლის, ნადიას როლის მიღმა, საკმაოდ ძლიერი, თუმცა ტრაგიკული ბედის მსახიობი იმალება.

ბარბარა ბრილსკა 1941 წელს არის დაბადებული პოლონეთში. 15 წლისა პირველად გამოჩნდა კინოში - ლამაზ გოგონას მალე მიაქციეს ყურადღება. უმაღლესი განათლებაც თეატრალური განხრით მიიღო და საბოლოოდ დაუკავშირა ბედი თეატრსა და კინოს.

ყველაზე დიდი წარმატება მოუტანა პოლონურმა ფილმმა "სიყვარულის ანატომია", ხოლო საბჭოთა სივრცეში "ბედის ირონიამ" გაუთქვა სახელი.

ბრილსკა ორჯერ იყო გათხოვილი და ორი შვილი გაუჩნდა. პირველი ქალიშვილი ბარბარა კოსმალი წარმატებული მოდელი და მსახიობი იყო. თუმცა 23 წლის წინ, 1993 წელს, 20 წლის ასაკში მოულოდნელად გარდაიცვალა - ავტოკატასტროფაში დაიღუპა.

ეს ბარბარასთვს უდიდესი ტკივილი იყო, რომლის გადალახვაში მხოლოდ ოჯახური კერა დაეხმარა და მეორე შვილი - ვაჟი ლუდვიგი, რომელიც დედის ნუგეშია დღესაც.

ლუდვიგისგან ბარბარას უკვე შვილიშვილიც ჰყავს და გიჟდება თავის შვილიშვილზე. რამდენიმე წლის წინ ფინანსური პრობლემებიც ჰქონდა, ამბობდა, რომ მხოლოდ პენსიით ინახავდა თავს. ამბობდნენ, რომ ალკოჰოლსაც მიეძალა, თუმცა შემდეგ ეს სირთულეც დაძლია.