”6 წლის ბავშვის ტორტი-"ძუძუები" - კიდევ ერთი მიზეზი, რის გამოც წიოკი ატყდა” დღეს სოციალურ ქსელში გავრცელდა ფოტო, სადაც პატარა ბიჭი საიუბილეო ტორტთან არის აღბეჭდილი. ერთი შეხედვით ამაში განსაკუთრებული არაფერია, მაგრამ სრულიად ინტერნეტმომხმარებელთა აღშფოთება სწორედ ტორტის დიზაინმა გამოიწვია, რომელსაც ქალის მკერდის ფორმა აქვს, შუაში კი ბავშვის ასაკის აღმნიშვნელი სანთელი ანთია.
„ფეისბუქელების“ უმრავლესობა მშობლებს აკრიტიკებს, ბავშვის ფსიქოლოგიურ მდგომარეობაზე ამახვილებს ყურადღებას და მსგავს საქციელს გმობს.
ნიკა ქავთარაძე კი ამ თემას საკმაოდ მსუბუქად უყურებს, ვერ ხვდება, რითი ჯობია ძუძუებს ავტომატი და მანქანა და ამასთან დაკავშირებით მართლაც საინტერესო პოსტს აქვეყნებს:
„ყოველგვარი პოზის გარეშე, ადამიანურად რასაც ვგრძნობ:
6 წლის ბავშვის ტორტი - "ძუძუები" - კიდევ ერთი მიზეზი, რის გამოც წიოკი ატყდა.
მიდის ლანძღვა, თათხვა და ბულინგი.
დედას გეფიცებით, ვერ ვხვდები, რანაირად ახერხებთ ასეთ რამეებზე მორალის კითხვას?
რა ემოციებით ცხოვრობთ?
რითი სჯობია ძუძუებს ავტომატი და მანქანა?
მე გამეცინა, რა საყვარელი ბავშვია-თქო, ვიფიქრე. რადგან მეც მიყვარდა მაგ ასაკშიც ძუძუები. სამწუხაროდ, ჩემ დროს დაბადების დღის ნამცხვარი ჩვეულებრივისგან არ განსხვავდებოდა.
რომ მიადექით ამ ჩვეულებრივ ადამიანებს და ლანძღავთ, რა გინდათ, რატომ უნგრევთ ცხოვრებას. ეგრე უნდათ და...
ნელ-ნელა აქაურობა ემსგავსება "მორალურ კომისიას", რომელმაც თუ დაგიწუნა, დედა გაქვს ნატირები და არსებობის უფლებას კარგავ.
დაიკიდეთ, გაერთეთ, დასცინეთ - უბრალოდ იმათ ნუ დაემგვანებით, ვისაც წლებია ებრძვით. ვისაც ადამიანის თავისუფლება და არჩევანი შესაზღუდი უფლება ჰგონია. ვინც "მომავალი თაობების გადასარჩენად" იბრძვის და ამით კლავს მათ შანსს იყვნენ ბედნიერები.
ღარიბი ქვეყანა რომ აღარ ვიქნებით, მერე უფრო კარგ ხასიათზე გავიღვიძ-დავიძინებთ და ერთმანეთის ჭამასაც რამე უფრო სასიამოვნოთი შევცვლით.“
თეკლა ჟვანია