"ასეთი შვილის გამო არ არსებობს ტკივილი, რომელსაც ვერ გავუძლებ. არ არსებობს ტვირთი რომელსაც ვერ ავწევ!.." პატარა სანდრო ქანთარია ჩვენმა მკითხველმა უკვე გაიცნო. ეს ის ბიჭია, რომელიც სააღდგომოდ ულამაზეს დეკორატიულ კვერცხებს ამზადებს (იხილეთ სტატია და ვიდეო). სანდროს დედა ჟურნალისტი ნანა ჩხაიძე მისი შვილის მორიგ წარმატებულ ნაბიჯს შემოქმედებით საქმიანობაში ასეთი ემოციური პოსტით გამოეხმაურა:
"არასდროს ვარ სუბიექტური, როცა ჩემს შვილზე ვსაუბრობ.
სანდრო - ერთადერთი ადამიანია ჩემს ცხოვრებაში, ვის მიმართ ყველაზე დიდი პასუხისმგებლობა მაკისრია. მასთან ვალში ვარ, იმის გამო, რომ ახლა, ასეთი ”ბრძენკაცივით” არ უნდა ლაპარაკობდეს. ის ჯერ მაინც პატარაა.
სანდრო მე გავზარდე, მე გავხადე ასეთი.
ჩვენ ბევრი გვყავს ახლობლები, ნათესავები და მეგობრები, მაგრამ ცხოვრების მწარე რეალობასთან ყოველთვის მხოლოდ მე და სანდრო ვართ.
მოვდივართ ასე, და-ძმასავით ხელჩაკიდებულები და მანამ არ გავუშვებ ხელს, ვიდრე ჩემი ხელები არ გაცივდება.
ასეთი შვილის გამო არ არსებობს ტკივილი, რომელსაც ვერ გავუძლებ. არ არსებობს ტვირთი რომელსაც ვერ ავწევ!
ბევრჯერ გვატირეს, დაგვამცირეს, მაგრამ ჩვენ მაინც ვიღიმით და სხვისი სიხარული გვიხარია".