მინისტრმა გაჭირვებულ ოჯახს თავისი ერთი თვის ხელფასი გადასცა და... ტელეკომპანია Palitranews ეთერში გასულ სიუჟეტს, სადაც ნახუცრიშვილების ოჯახის გასაჭირზე იყო საუბარი, დიდი გამოხმაურება მოჰყვა (იხილეთ სტატია). როგორც სიუჟეტიდან ირკვევა, 39 წლის ლალი ნახუცრიშვილი 2 წელია საწოლს არის მიჯაჭვული. როცა უმძიმესი დიაგნოზი დაუსვეს მეხუთე შვილის, დემეტრეს მოლოდინში იყო. მას მელანომა - კანის ავთვისებიანი სიმსივნე დაუდგინდა. მშობიარობიდან ერთ თვეში ოპერაცია დაინიშნა. ზურგიდან გაღიზიანებული ხალი ამოკვეთეს. მორიგი კონსულტაციისას გაირკვა, რომ დაავადება პროგრესირებადი იყო. პაციენტს 6 თვიანი ძვირადღირებული მედიკამენტოზური მკურნალობა სჭირდება. ამის შესაძლებლობა კი ოჯახს არ აქვს. მათი ყოველთვიური შემოსავალი, სოციალური დახმარება 400 ლარია, რომელიც ისევ მედიკამენტებში იხარჯება.
სიუჟეტის გავრცელების შემდეგ ნახუცრიშვილების ოჯახს უამრავი ადამიანი დაეხმარა. თუმცა ყველაზე მოულოდნელი მათთვის შინაგან საქმეთა მინისტრის სტუმრობა აღმოჩნდა. როგორც გაირკვა გიორგი მღებრიშვილი ნახუცრიშვილების ოჯახში დღეს ჩავიდა.
"მას შემდეგ რაც Palitranews-ზე ჩემი მეუღლის შესახებ გავრცელდა ინფორმაცია, ჩვენი ოჯახის გასაჭირი და გულისტკივილი ბევრმა ადამიანმა მიიტანა გულთან და დაგვეხმარა. დღეს დაახლოებით ორ საათზე, ეზოსთან უცხო ავტომობილი მოვიდა, როცა შინაგან საქმეთა მინისტრი დავინახე გამიკვირდა. ბატონ გიორგის ჩემს სახლში ნამდვილად არ ველოდი. განაგრძეთ კითხვა