”ძიძა უკვე შერჩეული მყავს...” მომღერალი ელენე ფოჩხუა შვიდწლიანი პაუზის შემდეგ მეორე შვილის დედა გახდა. ცოტა ხნის წინ ფეისბუქზე დაპოსტა: ”დაიბადა გაბრიელი”. პატარა ლიზას შემდეგ ელენეს ვაჟი ეყოლა.
როგორც ცოტა ხნის წინ ჩვენთან ინტერვიუში აღნიშნავდა, მეორე პატარის დაბადებას აბსოლუტურად მზად ეგებებოდა - ტანსაცმლის ყიდვიდან ძიძის შერჩევით დაწყებული:
”მეჩქარებოდა სქესის გაგება, რომ მცოდნონდა, რა მეყიდა, თუნდაც ფერების თვალსაზრისით. პირველ ექოსკოპიაზე დაიმალა და ვერ ვნახეთ ვინ იყო, მეორე ჯერზე კი გვითხრეს, ბიჭიაო. ახლა დავდივარ ნელ-ნელა და ვყიდულობ ყველაფერს, ძალიან სასიამოვნო პროცესია. რატომ არ უნდა ვიყიდო, ვერ ვიგებ. არ მიყვარს მიწურულში რაღაცების კეთება, ყიდვა რომ გეჩქარება, უაზროდ დარბიხარ, დარბიხარ და ხარ გადარბენაზე. მირჩევნია, ახლა მშვიდად ვიარო, რომ მერე აღარ ვირბინო. არ მიყვარს სხვაზე დავალება, ეს მომიტანე, ის მომიტანე. განა არ მომიტანენ, მაგრამ მე მინდა, ჩემს გემოზე, ჩემს ჭკუაზე ავარჩიო... რაც შეეხება ძიძას, ლიზიზე არ დამჭირვებია, მე ვზრდიდი თვითონ, მეხმარებოდნენ კიდეც, მაგალითად, ჩემი მეგობარი, რომელიც თამამად შემიძლია ვთქვა, რომ ჩემი შვილის მეორე დედაა. ახლა კი ახლობლობით, რეკომენდაციით შევარჩიე ძიძა, ჩემი ახლობლის ბავში გაზარდა, ის უკვე დიდია და ახლა ჩვენთან გადმოინაცვლებს. მიხარია, რომ კარგი გოგო ვიპოვეთ და ეს პრობლემა მოგვარდა. იმედია, ბავშვიც მშვიდი იქნება და ხელს შეგვიწყობს” (იხილეთ ინტერვიუ სრულად).
ვულოცავთ ელენეს პატარა გაბრიელის დაბადებას და ბედნიერ დედობას ვუსურვებთ.