აღმოჩნდება თუ არა 11 წლის ვუნდერკინდი დედასთან ერთად ქუჩაში? - მშობლები

რამდენიმე დღის წინ ტელეიმედმა საზოგადეობას 11 წლის ვუნდერკინდის შესახებ აცნობა, რომელიც დედასთან ერთად ნაქირავებ სახლში ცხოვრობს რამდენიმე დღის წინ საზოგადეობა 11 წლის ვუნდერკინდის შესახებ ცნობამ ააფორიაქა, რომელიც დედასთან ერთად ნაქირავებ სახლში ცხოვრობს, სოციალურად დაუცველია და ხშრად სოციალურ სასადილოში იკვებება.

დათუნა ზარდიაშვილი ფიზიკა-მათემატიკური და არა მარტო ამ საგნებში გამართული კონკურსების და ოლიმპიადების მრავალგზის გამარჯვებულია, სახლში 92 სიგელი აქვს, დაახელოებით 30-ს კიდევ ელოდება... კერძო სკოლა, სადაც უსასყიდლოდ სწავლობს, ამაყობს ნიჭიერი მოსწვლით.

პატარა ვუნდერკინდი 30 კვადრატულ მეტრ ფართში, ნაქირავებ ბინაში დედასთან ერთად ცხოვრობს. დედა ჯანმრთელობის პრობლემების გამო მუშაობას ვერ ახერხებს, მათი ერთადერთი შემოსავალი სახელმწიფოს მიერ გამოყოფილი პენსიაა, რომელიც თითქმის არაფერში ჰყოფნით. ხშირად სოციალურ სასადილოში იკვებებიან... ზამთარში არ აქვთ გათბობა, ასევე მაცივარი, კომპიუტერი და ის სხვა ნივთები, რაც მისი ასაკის ბავშვებს ახარებთ და სჭირდებათ. ოჯახის ძირითადი საზრუნავი ბინის ქირაა, 11 წლის მოზარდი თვის ბოლო რიცხვების მოახლოებას დედასთან ერთად ქუჩაში აღმოჩენის შიშით განიცდის.

სამწუხაროა, მაგრამ 11 წლის ვუნდერკინდს სხვადასხვა კონკურსში მოგებული პრიზების გაყიდვა უწევს, მიღებულ თანხას სოციალურ დახმარებას ამატებენ და ბინის ქირასა და საკვებზე ანაწილებენ. მოგებული პლანშეტიც ამ მიზეზით გაყიდა.

დათუნას მიზანი ფიზიკა-მათემატიკურ სკოლაში ჩაბარებაა, ასევე ძალიან უნდა, ვიოლინოზე დაკვრა ისწავლოს, იმედი აქვს, რომ ექნებათ საკუთარი სახლი და რაც მთავარია, საოცნებო საკუთარი ოთახი.

ალბათ არ გაგიკვირდებათ, თუ გეტყვით, რომ სიუჟეტის გასვლიდან უმოკლეს დროში, აკა სინჯიკაშილმა პატარა ვუნდერკინდი მოინახულა და მისთვის თანხის შეგროვებაც დაიწყო, დღეს კი სასიხარულო პოსტიც გამოაქვეყნ:

"კაი ამბები, კაი. ჩვენი და მაგარი ადამიანების დახმარებით პატარა ვუნდერკინდთან პრობლემები მოგვარებულია. ახალ, უფრო ხალისიან ცხოვრებას დაიწყებს და მეტი ადგილი ექნება სწავლისთვის თავის გენიალურ გონებაში. ჩემი ნომერი აქვს და ნებისმიერ შემთხვევაში დამირეკავს, თუკი როდისმე რამე დასჭირდება. დათუნა გაიზრდება და ქვეყანას ნამდვილად გამოადგება. უჰ, თქვენ გენაცვალეთ, ხალხო, რა მაგარი საქმე გავაკეთეთ ერთად."

სავარაუდოდ, დათუნას სოლიდური თანხა მოუგროვდა და პრობლემებს გარკვეულწილად მაინც მოაგვარებს.

თეკლა ჟვანია