ქართველების აღშფოთებამ ”გააოცა” ირანელი ბლოგერი ცოტა ხნის წინ ერთ-ერთმა ირანულმა ფეისბუქ გვერდმა ქართველი, სვანურ ქუდსა და ჩოხაში გამოწყობილი ბიჭის ფოტო ატვირთა. ფოტოზე ამაყად არის მითითებული, რომ ბიჭი არის ირანელი და ირანულ ნაციონალურ სამოსშია გამოწყობილი. რასაკვირველია, ფაქტს მწვავე გამოხმაურება მოჰყვა სოციალურ ქსელში. აღშფოთებული ფეისბუქმომხმარებლები წერენ კომენტარებს, ამბობენ, რომ ეს არ არის ირანული სამოსი და ბოდიშის მოხდისკენ მოუწოდებენ გვერდის ადმინისტრატორებს.
როგორც ერთ-ერთი კომენტარის მიხედვით ირკვევა, ბიჭუნა ანსამბლ "ეგრისის" მოცეკვავეა და ის ირანელმა ფოტოგრაფმა თბილისში გადაიღო.
თუმცა ქართველების აღშფოთებამ "გააოცა" აღნიშნული გვერდის ადმინისტრაცია, კომენტარები გააქრო და ბოლოში მიაწერა, რომ "გააბრაზა" ასეთმა რეაქციამ და საერთოდ აღარ წაშლის ამ ფოტოს თავისი გვერდიდან.
იმედია, პატარა ბიჭის მშობლებიც ნახავენ ამ ინფორმაციას და გვერდის ადმინისტრაციას თავადაც მიმართავენ.