"თურმე 90-იანებში მამაჩემს რამხელა ფული ჰქონდა..." თიკა ჯამბურია ფეისბუქზე მის შესახებ გავრცელებულ ჭორს და ბრალდებებს გამოეხმაურა:
"მოკლედ, რამდენიც არ უნდა ვიფიქროთ და დასკვნები გამოვოტანოთ, რაშია ჩვენი პრობლემა? მგონი, ერთადერთი და სწორი პასუხი არის..... ...ხალხში...
ჩვენზე ბოროტი და ერთმანეთის მჭამელი ერი არ არსებობს...
ესე იგი ვიღაც ახალგაზრდა გოგოს "პოემა" სტატუსი აქვს ჩემდამი მოძღვნილი, ოღონდ არც ვიცნობ ამ ახალგაზრდა გოგოს - ვინმე თათას... არც ის მიცნობს.... უბრალოდ რომელიღაცა გადაცემაში, რომელშიც ჩემი სახლი იყო ნაჩვენები, იმდენად გააკვირვა ბროლის ჭაღმა, რომლის ფასიც მაქსიმუმ 100-200 ლარის ფარგლებს არ აღემატება, რომ დაახლოებით 3 დღეა ამ სტატუსზე მიდის განხილვა - 90-იანებში მამაჩემს რამხელა ფული ჰქონდა. რომ ეს ჭაღი ამხელა სიმდიდრე მაქვს სახლში და როგორ მქაჩავდნენ მე ამ ფულით... დავიჯერო ასეთი უნახავი და ყველაფერზე დახამებულო ერი ვართ, რომ ამ ჭაღით განისაზღვრებოდეს ყველაფერი. კარგით რა, ხალხო, კარგით რაა...
რატომ იმძიმებთ თავს სხვისი განხილვით და თქვენი მოგონილი ისტორიებით... თუ ერთფეროვანმა ცხოვრებამ მოგაბეზრათ თავი, შემიძლია გირჩიოთ რამე კარგი ფილმი ან წიგნი... დიდი სიამოვნებით ვიქნებოდი იმ ოლიგარქის შვილი, რომელზეც თქვენ გაქვთ საუბარი, მაგრამ სამწუხაროდ, არ ვარ და რასაც მივაღწიე კიდევ, ჩემი ნიჭის და უკიდეგანო შრომის ფასად..."