ვიდეო, თუ როგორ უყურებენ პატარა ემი და 4-მეტრიანი პითონი ტელევიზორს, სოციალური ქსელის ჰიტი გახდა (+ვიდეო) ვიდეო, თუ როგორ უყურებენ პატარა ემი და 4-მეტრიანი პითონი ტელევიზორს, სოციალური ქსელის ჰიტი გახდა. ფოტო 4 წლის ემის მამამ დადო სოციალურ ქსელში - ლონდონელმა ედ ტაოკამ და მართლა გააოგნა ხალხი. ფეისბუქსა და იუთიბზე ვიდეომ მილიონობით ნახვა დააგროვა - დივანზე მშვიდად მჯდომი გოგონა 4-მეტრიან გველს არის ჩახუტებული და ისე უყურებს ტელევიზორს. როგორც ვიდეოზე ჩანს, ემი და მისი პითონი სახელად შერი დიდი მეგობრები არიან და დიდ დროსაც ატარებენ ერთად. თუმცაღა რასაკვირველია, ვიდეოს აღტაცებაზე მეტად, გაოგნება და აღშფოთება მოჰყვა.
მართალია, ედი ამტკიცებს, რომ "გველები სულაც არ არის ველური მონსტრები, რომლებსაც ასეთი ცუდი სახელი მედიამ შეუქმნა და ადამიანებს შეაძულა", უდრტვინველად ამ ვიდეოს ყურება მაინც შეუძლებელია და საზოგადოებაც ვერ დარწმუნდა, რომ ეს გველი მართლაც ასეთი უსაფრთხოა.
ედის ამის გარდა, მეორე გველიც ჰყავს სახლში - სონი. ამბობს, რომ ორივე თავისუფლად დასრიალებენ სახლში და მოშინაურებულები არიან.
თუმცა რაც არ უნდა ილაპარაკოს ბავშვის მამამ, მაინც ძალიან ძნელია უყურო, როგორ "ერთობიან" ერთად 4-მეტრიანი ქვეწარმავალი და პატარა ბავშვი.
ასევე იხილეთ: როგორ ათვინიერებს 8 წლის გოგონა შხამიან კობრებს