წყვილმა საშინელ ავარიაში ორივე შვილი დაკარგა... 2 წელიწადში მათ თავს სასწაული მოხდა! - მშობლები

ხანდახან სრულიად დაუჯერებელი ამბებიც ხდება! ეს ყველაზე საშინელი დღე იყო ჰედლი და ჯენტრი ედინგსების ოჯახში. 2015 წელს ამერიკელი პასტორი და მისი ცოლი თავიანთი ფურგონით მეგობრის ქორწილიდან შინ ბრუნდებოდნენ. მოულოდნელად გზატკეცილზე სატვირთო მანქანა გამოჩნდა და მათ ფურგონს დაეჯახა.

დობსი, 2 წლის ბიჭუნა, ადგილზე გარდაიცვალა. ჰედლი ორსულად იყო - უკვე 37-ე კვირაში. იქვე დაეწყო მშობიარობა და საავადმყოფოში გადაიყვანა სასწრაფო დახმარების ბრიგადამ. ჰედლის საკეისრო კვეთა გაუკეთეს, თუმცა მისმა ახალშობილმა ვაჟმა ორი დღე იცოცხლა მხოლოდ...

ეს ნამდვილი ტრაგედია იყო ედინგსებისთვის. საოცარია, მაგრამ ცოლ-ქმარმა საჯაროდ აპატია სატვირთოს მძღოლს და იმ ადამიანებს, ვინც იცოდა მათ თავს დატრიალებული უბედურების შესახებ, ამცნეს, რომ სურდათ გარდაცვლილი ვაჟების სახელზე საქველმოქმედო საქმიანობას წამოიწყებდნენ.

2017 წლის იანვარში ცოლ-ქმარმა განცხადება გააკეთა, რომელმაც მათი გულშემატკივრები გაახარა: ჰედლი დაორსულდა! და ეს კიდევ არ იყო ყველაფერი, ედინგსები ტყუპს ელოდნენ!

"ღმერთმა არ მიგვატოვა არც ერთი წამით და არ დაგვტოვა ჩვენს დარდთან მარტო. ღმერთი ყველას შეიფარებს და გადაარჩენს", - ამბობს ჰედლი.

ცოლ-ქმარი ყველას ემადლიერებიან, ვინც მათთვის ლოცულობდა. რა თქმა უნდა, შვილების გარდაცვალებით მიღებული უდიდესი ტკივილი არასოდეს დატოვებს მათ, მაგრამ იციან, რომ ცხოვრება გრძელდება და ღმერთმა უდიდესი საჩუქარი გაუკეთათ.

პაწაწინა ტყუპი სულ რამდენიმე დღის წინ დაიბადა - ვადაზე ცოტათი ადრე. პატარებს ორ-ორი სახელი დაარქვეს - თითო სახელი მათი გარდაცვლილი ძმების, თითოც - ახალი. ერთი ესაია დობსია და მეორე - ამოს რიდი.

ედინგსების ისტორიამ უამრავი ადამიანი შეძრა! ალბათ ყველა ვერ შეძლებს აპატიოს დანაშაული იმას, ვინც ყველაზე ძვირფასი რამ წაართვა, თუმცა ამ ადამიანებმა არა მხოლოდ ეს შეძლეს, ცხოვრებაც გააგრძელეს, ისევ ერთად და ისევ უკეთესის იმედით.