"ისეთ ოჯახში გავიზარდე, სადაც ბილწსიტყვაობას ადგილი არ ჰქონია..." „ორი წელია, რაც ჩცდ-ს მსახიობი ვარ. არც მიფიქრია, თუ ჩემი გმირი სერიალს ამდენხანს შერჩებოდა. ამასობაში თამუნამ კარგი ცხოვრების გემოც გაიგო“, - ჩცდ-ს მსახიობი, სერიალში ბიზნესმენ თენგო მაზიაშვილის ცოლის როლის შემსრულებელი ანა მჭედლიძე საკუთარი პერსონაჟისა და პირად ცხოვრების შესახებ საუბრობს.
- თამუნამ ბოლო პერიოდში საქმიანი ქალის იმიჯიც მოირგო...
- ქმარსა და მულს რომ უყურებს, რამდენად წარმატებულები არიან, თვითონაც მოისურვა, რამე წამოეწყო ცნობილ ქალთან, ჩიკასთან ერთად. თამუნასნაირი ადამიანები ჩვენ ირგვლივ მრავლად არიან.
- თქვენს პერსონაჟთან საერთო თუ გაქვთ რამე?
- ეს შეკითხვა ყოველთვის მაბნევს (იცინის). იმედია, ჩემს პერსონაჟს ჩაცმულობითაც არ ვგავარ. ორსართულიანი ფეხსაცმელებიც არასდროს მაცვია. თამუნა ქმარს ბევრის უფლებას აძლევს. მე კი ისეთ ოჯახში გავიზარდე, სადაც ბილწსიტყვაობას ადგილი არ ჰქონია.
- თამუნამ თენგოს ღალატიც აპატია...
- მე კი არავითარ შემთხვევაში არ ვაპატიებდი. ქუჩაში მაჩერებენ და მეკითხებიან, ქმარს ღალატი როგორ აპატიეო. როგორც არ უნდა გიყვარდეს ქმარი, ურთიერთობაში იმხელა ბზარი ჩნდება, მასთან ერთად ცხოვრების გაგრძელება სწორად არ მიმაჩნია. თამუნას თენგო უყვარს და ამიტომაც აპატია. გარდა ამისა, თუ არ აპატიებდა, სოფელში დაბრუნება მოუწევდა. განაგრძეთ კითხვა