"ექიმების მტკიცებით, აუცილებელია ოპერაციის გაკეთება, მაგრამ მამაო უარზეა. ყველას გთხოვთ..." გუშინ გახდა ცნობილი მამა პეტრე კოლხის (კვარაცხელიას) ჯანმრთელობის მდგომარეობის გაუარესების შესახებ. დღეს ამ ფაქტს მისი მეუღლე - ნინო ვეკუა გამოეხმაურა და ფეისბუქზე ამცნო საზოგადოებას:
"ჩემო ძვირფასებო, მადლობას გიხდით ყურადღებისა და კეთილი სიტყვებისათვის. ზარებსა და მესიჯებს ვეღარ ავუდივარ და გადავწყვიტე, აქ შეგატყობინოთ მამაოს ჯანმრთელობის მდგომარეობა.
მამაოს ბავშვობიდან აქვს პაროქსიზმული ტაქიკარდია, რომელიც დროდადრო, წელიწადში ერთი-ორჯერ, აძლევს შეტევას. თავიდან მსუბუქი, 10-15-წუთიანი შეტევები ჰქონდა. წლებთან ერთად შეტევის ხანგრძლივობამ და სიმძიმემ იმატა.
ამჟამად მამაო არის წალენჯიხაში, თავის სახლში. თავს სუსტად, თუმცა სტაბილურად გრძნობს. ექიმების მტკიცებით, აუცილებელია ოპერაციის გაკეთება, მაგრამ მამაო უარზეა. ყველას გთხოვთ, მოიხსენიოთ ლოცვებში და გაამხნევოთ. ერთად გადავალახინოთ შიში და დავითანხმოთ ოპერაციაზე, რათა შეძლოს სრულფასოვნად ცხოვრება თავის ერთან , მრევლთან და ოჯახთან ერთად. გმადლობთ!"