დედამ უჩვეულო მეთოდი მოიგონა მოზარდი გოგონას გასაკონტროლებლად - მშობლები

ამ ქალბატონის იდეამ დიდი მოწონება დაიმსახურა დედა დავალებას აძლევს გოგონას გადაიღოს სასაცილო სელფები - რათა გაიგოს, სად იმყოფება ის.

ამერიკელი ჰიტერ სტაინკოპტი, გამუდმებით ღელავს, თუ სად არის და რას საქმიანობს მისი 18 წლის გოგონა. დარწმუნებული რომ იყოს, გოგონას ყველაფერი რიგზე აქვს, გადაწყვიტა გამოიყენოს თანამედროვე ტექნოლოგიები. როდესაც გოგონა სახლში არ არის, დედა სთხოვს მას, გადაიღოს სახალისო სელფები იმასთან ერთად, ვისთან ერთადაც იმ წუთას იმყოფება. გოგონას არ აღიზიანებს დედის დავალებები. პირიქით, ხალისით აკეთებს ამას.

„ვიცი, რომ ის სწორედ იქაა, სადაც ამბობს. ისეთი სასაცილოა, როდესაც ვთხოვ, რომ მიიღოს სხვადასხვა პოზები“, - ამბობს ჰიტერი. რაც შეეხება კეილინს, ის ყოველთვის ასრულებს დედის თხოვნას.

„ადრე ვატყუებდი დედას, რომ მეგობართან მივდიოდი სახლში, სინამდვილეში კაფეში ვიყავი. მაგრამ სელფის სტრატეგიამ ყველაფერი შეცვალა“, - ამბობს გოგონა. გოგონამ Twitter-ზე გამოაქვეყნა დასურათებული მიმოწერა დედასთან და დააწერა: “ვფიქრობ, გადაჭარბებული არ იქნება ვთქვა, რომ დედაჩემი არ მენდობა“.

ჰიტერის იდეამ სოციალურ ქსელში 8 000 მოწონება დაიმსახურა.

კეილინის გარდა ჰიტერს 4 შვილი ჰყავს. პირველად სელფის იდეა თავის თავზე გამოსცადა უფროსმა ბიჭმა. „ყოველთვის მინდა ვიცოდე სად არიან ჩემი შვილები უბრალოდ იმიტომ, რომ მიყვარს ისინი“, - ამბობს დედა.

კეილინი მალე კოლეჯში სასწავლებლად გაემგზავრება. ის დედასთან ერთად გეგმავს ამ გასართობის გაგრძელებას - ოღონდ ისე ხშირად ვეღარ გაუგზავნის სელფებს, როგორც ახლა უგზავნის.