პოეტი რეანიმაციულ განყოფილებაშია ინსულტის დიაგნოზით როგორც ცნობილია, ჯანსუღ ჩარკვიანი რეანიმაციულ განყოფილებაშია, სადაც ინსულტის დიაგნოზით მოათავსეს.
ჯანსუღ ჩარკვიანის ქალიშვილმა თაკო ჩარკვიანმა დედის და პოეტის მეუღლის, ირმა ჩხეიძის სამადლობელი ტექსტი გამოაქვეყნა:
„დედამ მთხოვა და ვასრულებ მის თხოვნას, მან მთხოვა გადმომეცა უდიდესი მადლობა, ჯანსუღის გულშემატკივრობისთვის:
ყველა ჟურნალისტს, მწერალსა თუ პოეტს, რეჟისორსა თუ პუბლიცისტს, ყველა მოქალაქეს, დიასახლისს თუ მსახიობს, ექიმსა თუ მუსიკოსს, პედაგოგსა თუ პენსიონერს, თითოეულ თქვენგანს, მთელს ჩვენს დიდ სამეგობროს ფ.ბ.-ში, დიდ მადლობას მოგახსენებთ, ასეთი სიყვარულისთვის, მიწამდე თავს გიხრით 81 წლის ირმა ჩხეიძე. “ამისთვის ღირდა სიცოცხლე”,- პატივისცემით ჯანსუღის მეუღლე ი. ჩ .(2017-14 აგვისტო)“.