”მყავს 16 წლის შვილი ანი ნიჟარაძე. ანი სამშობიარო ტრავმით დაიბადა...” "მე ვარ ნათია ნიჟარაძე რუსთავიდან. მყავს 16 წლის შვილი ანი ნიჟარაძე. ანი სამშობიარო ტრავმით დაიბადა და შედეგად დადგინდა ცერებრული დამბლა. იგი არის ეტლის მომხმარებელი.
ძალიან ბევრი ისტორია წავიკითხე და ყველა მშობელი წერს, რომ მათ ჰქონდათ ძალიან დიდი დეპრესია, სანამ გაიაზრებდნენ თავიანთი შვილების მდგომარეობას. მე ნამდვილად არ მქონია სტრესული პერიოდი, ალბათ იმის გამო, რომ მე თვითონაც ძალიან პატარა ვიყავი, ანი რომ შემეძინა და ვერც კი გავიაზრე, რა ხდებოდა ჩემს თავს ან მართლაც ემოციურად ძლიერი აღმოვჩნდი და ამიტომ შევხვდი ამ ამბავს ასე.
ანი არის ძალიან მხიარული, სულ იცინის, ძალიან უყვარს მუსიკა. მეც მინდა აღვნიშნო, რომ განათლების დონემ ამ დარგში საკმაოდ აიწია, რადგან აღარ იგრძნობა დაჟინებული მზერა, აღარ მესმის სიბრალულის შემცველი ხმები. ან ვის უნდა ვებრალებოდე?! რა მჭირს საცოდავი?! ყველა მშობელს მოგიწოდებთ: ნუ მოგერიდებათ ნურაფრის და ნურავის, დატკბით ცხოვრებით, რადგან უფალმა თქვენ ანგელოზები გაჩუქათ!"
ფოტო: ნათელა გრიგალაშვილი