უნგრეთის მთავრობა მას თავშესაფარს ჰპირდება ირანელი მსახიობი აიდინ სტრანდსონი 2014 წელს ჩავიდა შვედეთში სამუშაო ვიზით. მალე შვედური გვარი აიღო და საჯაროდ მოინათლა. როგორც ის ამბობს, ისლამმა მას მერე დაკარგა ფასი მის თვალში, როცა ნახა ვიდეო, თუ როგორ ჩაქოლა მუსლიმანების ბრბომ ქალი. ამის მერე მან იესოზე წაიკითხა ლიტერატურა და სულ მალე, დაესიზმრა უფალი, რომელიც მის გვერდით დაჯდა და ხელი ჩაკიდა.
მას მერე, რაც გაქრისტიანდა, აიდინი გამუდმებით იღებს მუქარის წერილებსა და ზარებს ირანიდან. ახლახან სამუშაო ვიზას ვადა გაუვიდა და შვედეთი მის დეპორტირებას აპირებს. "მისი გადაწყვეტილება, გახდეს ქრისტიანი მისი პრობლემაა და არა ჩვენი" - ამბობს შვედეთის მთავრობის წარმომადგენელი. არადა, აიდინს თუ სამშობლოში დააბრუნებენ, მას, როგორც რელიგიის უარმყოფელს, ელის ციხე, გაუპატიურება ან სიკვდილი.
აიდინს მხსნელად უნგრეთის მთავრობა მოევლიმა. მართალია, უნგრეთმა რა ხანია დახურა საზღვრები ლტოლვილებისა და მიგრანტებისთვის, რომლებიც ახლო აღმოსავლეთისა და ჩრდილოეთ აფრიკიდან სიღარიბესა და ომს გაურბიან, მაინც აპირებს გამონაკლისის დაშვებას და "ერის ქრისტიანული ფასეულობების შენარჩუნებას". უნგრეთმა ღიად გამოაცხადა მზადყოფნა, შეიფაროს ირანელი ქრისტიანი.