გორის გარდა, ხანძარი გაჩნდა ლაგოდეხში... გორის მუნიციპალიტეტის სოფელ ზემო ბოშურთან ხანძრის ლოკალიზება ჯერჯერობით ვერ ხერხდება. როგორც ”ინტერპრესნიუსს” საქართველოს შინაგან საქმეთა სამინისტროს სსიპ საგანგებო სიტუაციების მართვის სააგენტოში განუცხადეს, მიუხედავად იმისა, რომ მეხანძრე მაშველები ადგილზე მუშაობენ, ამ დროისთვის ცეცხლი დაახლოებით 2 ჰექტრამდე ფართობზეა გავრცელებული.
სახანძრო სამუშაოებს ძლიერი ქარი ართულებს.
ამასთან, საგანგებო სიტუაციების მართვის სააგენტოში აცხადებენ, რომ ხანძრის ადგილი არის კლდოვანი და სამუშაოების ჩასატარებლად მიუდგომელი.
ასევე ხანძარი გაჩნდა ლაგოდეხში. როგორც "ინტერპრესნიუსს" საგანგებო და გადაუდებელი სიტუაციების მართვის სამსახურში განუცხადეს, ცეცხლი აეროპორტის ქუჩაზე, დაახლოებით ნახევარი ჰექტარის ფართობზე, ხმელ ბალახებს გაუჩნდა.
მათივე ინფორმაციით, ადგილზე მუშაობს ორი სახანძრო-სამაშველო ბრიგადა. ხანძარი უკვე ლოკალიზებულია.
ინტერპრესნიუსი