"ის ჩვენი ოჯახის საჩუქარია"... - ქალი ყოფილი ქმრის ახალ ცოლს უხდის მადლობას მათი შვილის აღზრდისთვის - მშობლები

დაუჯერებელი წერილი ყოფილი ქმრის ახალ ცოლს ამ გოგონას ორი დედა ჰყავს - ბიოლოგიური და " ბონუს" დედა - მამამისის ამჟამინდელი გოგონა. ორმა ქალმა შეძლო საერთო ენის მონახვა. ახლახანს კი დედამ დაწერა ამაღელვებელი სიტყვები "ბონუს" დედის მისამართით.

წარმოიდგინეთ, რომ გყავდათ მამაკაცი, რომლისგანაც გაგიჩნდათ შვილი. შემდეგ დაშორდით ერთმანეთს. მან სხვა ქალი შეიყვარა. შეძლებთ ამ ყველაფრის ისე მიღებას, როგორც ბრიტნი ჯონსონმა მიიღო?

ბავშვის მამას 2 წლის წინ დაშორდა. მაშინ გოგონა 2 წლის იყო. მამაკაცის ცხოვრებაში კაილა იმჰოფი - ახალი ქალი გამოჩნდა. მოკლე დროში მან ისეთი ურთიერთობა დაამყარა ბავშვთან, რომ დედის მხრიდან აღფრთოვანება და გულწრფელი პატივისცემა დაიმსახურა.

ახლახანს ბრიტნიმ თავის ფეისბუქ გვერდზე გამოაქვეყნა თავისი შვილისა და კაილის ფოტოები ექთნის სამოსში (კაილი სწავლობს სამედიცინოზე. ქმარი კი ყველანაირად უწყობს ამაში ხელს).

"მივმართავ ყველა დედას, რომლებიც ბრაზდებიან და წინააღმდეგები არიან იმისა, რომ მათ შვილს ურთიერთობა ჰქონდეს მისი ყოფილი მამაკაცის ახალ მეგობართან. ვლოცულობდი, რომ მას ღირსეული ქალი შეხვედროდა".

ბრიტნიმ აღიარა, რომ კაილა ნამდვილი "საჩუქარია"გოგონასთავის.

"მინდა აღვზარდო ძლიერი, ჭკვიანი და კეთილი შვილი. დიდი სურვილი მაქვს, რომ მისი გარემოცვა იყოს სამაგალითო. მადლობას გიხდი, კაილა, იმისთვის, რომ გვერდში უდგახარ და ეხმარები პეიტონს თავის პატარ-პატარა მიზნების მიღწევაში. მადლობა იმისთვის, რომ მიუხედავად დატვირთული გრაფიკისა, მაინც ახერხებ ჩემს შვილთან ერთად ველოსიპედით გასეირნებას. შენ ნამდვილი მოდელი ხარ "ბონუს" დედისა. ჩვენ ვამაყობთ შენით!"

ბრიტნიმ თავისი წერილი დაამთავრა მიმართვით: "თუ აღმოჩნდით მსგავს სიტუაციაში და არ გახარებთ თქვენი შვილის სხვა ქალთან ურთიერთობა, იფიქრეთ იმაზე, თუ რა იქნებოდა უკეთესი თქვენი ბავშვისათვის".

პოსტმა 90 000 ლაიქი დაიმსახურა. 45 000-მა ინტერნეტმომხმარებელმა კი თავის კედელზე გააზიარა წერილი.

მართლაც გაუმართლა პატარა პეიტონს ორივე დედასთან.