"შვილთან ერთად "Gem Fest"-ზე დავისვენე" - რა თანხა დაუჯდათ შვილების დასვენება ქართველ "სელებრითებს" - მშობლები
"შვილთან ერთად "Gem Fest"-ზე დავისვენე" - რა თანხა დაუჯდათ შვილების დასვენება ქართველ "სელებრითებს"
გადავხედოთ წლევანდელ ზაფხულს, რომელმა ცნობილმა ადამიანმა სად დაასვენა შვილები და რა დაუჯდათ ეს სიამოვნება. მთელი წლის ნანატრმა ზაფხულმაც ჩაიარა, წელიწადის ეს ცხელი სეზონი ყველასათვის გამორჩეულად საყვარელი და ძვირფასია, რადგან მოსახლეობის ძირითადი ნაწილი სწორედ ამ პერიოდში ახერხებს დატვირთული სამუშაო წლის შემდეგ დასვენებას. თუმცა სამწუხაროდ, ხანდახან ისეც ხდება, რომ დაკავებული გრაფიკის გამო ზოგი ვერ ახერხებს ქალაქის დატოვებას და შვებულების მოწყობას. მაგრამ შრომისმოყვარე მშობლები, უმეტეს შემთხვევაში იმას მაინც ახერხებენ, რომ შვილებს გარემო, ცოტა ხნით მაინც გამოუცვალონ. გადავხედოთ წლევანდელ ზაფხულს, რომელმა ცნობილმა ადამიანმა სად დაასვენა შვილები და რა დაუჯდათ ეს სიამოვნება.
თეა დარჩია (მოცეკვავე): ჩემმა შვილებმა წელს ბათუმში დაისვენეს, დასვენება ძალიან ძვირი დაგვიჯდა, მაგრამ კონკრეტული ციფრის დასახელებისგან თავს შევიკავებ.
თამუნა მუსერიძე (ტელეწამყვანი): ალექსანდრემ და მე, წელს თავდაპირველად ბათუმში დავისვენეთ, ზღვა და ცურვა მას ძალიან უყვარს. წელს აჭარაში დასვენება, ერთად მხოლოდ 5 დღით მოვახერხეთ და სულ რაღაც 250 ლარი დამიჯდა.