ექიმები ამ პატარას ერთი კვირის სიცოცხლესაც არ უწინასწარმეტყველებდნენ... თუმცა ის უკვე 1 წლისაა - მშობლები

ბიჭუნა თავის ქალის გარეშე მედიცინის სამყაროს ნამდვილ გამოცანად იქცა ამ პატარა ბიჭის შესახებ ჩვენ ადრეც ვწერდით. ეს ერთი წლის ბიჭუნა მედიცინის სამყაროს ნამდვილ გამოცანად იქცა. ჯექსონ ემეტ ბუელზე კიდევ დიდხანს ილაპარაკებენ - ბიჭუნაზე, რომელიც თავის ქალის გარეშე დაიბადა და რომელსაც ექიმები მხოლოდ რამდენიმე წუთის სიცოცხლეს უწინასწარმეტყველებდნენ, ისიც - საუკეთესო შემთხვევაში. მათი ვარაუდით, ნაყოფი ორსულობის ბოლომდეც კი ვერ მიაღწევდა.

ჯექსონის მშობლებს ჯერ კიდევ ბრიტანის ფეხმძიმობის დროს უთხრეს, რომ მათ შვილს ტვინის სერიოზული დეფექტი ჰქონდა. ამის მიუხედავად, დედას, ბრიტანი ბუელს, მის გაჩენაზე უარი არ უთქვამს. ჯექსონის დიაგნოზი ანენცეფალიაა - ნერვული მილის თან

დაყოლილი დეფექტი, რომლის დროსაც ბავშვს ტვინის გარკვეული უბნები და თავის ქალა არ გააჩნია.

აშშ-ში ყოველი 4859-ე ბავშვი ამ დიაგნოზით იბადება და გაჩენისთანავე იღუპება. ჯექსონის 30 წლის მამა, ბრენდონი იხსენებს: "მე-17 კვირაზე ულტრაბგერითი გამოკვლევის დროს გავიგეთ, რომ ბიჭი იყო. ამის შემდეგ ექიმმა თავის დათვალიერება დაიწყო და შევატყვეთ, რომ შეშფოთდა. ბრიტანი განმეორებით კვლევაზე დაიბარეს. აღმოჩნდა, რომ ბავშვს ერთდროულად რამდენიმე პრობლემა ჰქონდა".

ექიმებმა წყვილს ორსულობის შეწყვეტა მოსთხოვეს, თუმცა თანხმობა არ მიიუღიათ. ცოლ-ქმარმა ბავშვის გაჩენა გადაწყვიტა.

"აბორტი რომ გამეკეთებინა, ვერასოდეს ვნახავდი ჩემს ჯექსონს. იმედი მქონდა, იქნებ იცოცხლოს-მეთქი. ჩვენ ყველაფერი გავაკეთეთ, რომ მისთვის სიცოცხლის შანსი მიგვეცა" - ამბობს ჯექსონის დედა. ექიმების გასაოცრად, ჯექსონმა ორსულობის ბოლომდე იცოცხლა და ქვეყანას საკეისრო კვეთით მოევლინა.

მან დაბადებიდან 3 კვირა ინტენსიური თერაპიის განყოფილებაში გაატარა. მას შემდეგ კი მშობლებთანაა. წყვილი ამ დრომდე უმკლავდება პრობლემებს და სიყვარულს არ აკლებს პატარას.

ახლა კი დადგა დრო, ჯექსონს სანტა გაეცნო და საშობაო ნაძვის ხესთან ეპოზიორა. ბიჭი, რომელსაც ინტერნეტში მეტსახელად ძლიერი შეარქვეს, სანტას შეხვდა და ალბათ თავისი სურვილებიც ჩაუთქვა, ბავშვურად. პატარას ფოტოზე დედამ ასეთი წარწერა გააკეთა: "მინდა მსოფლიოს გავუგზავნო საშობაო გზავნილი ჩემგან და ჩემი მშობლებისგან. მადლობა მხარდაჭერისთვის. მთელი ჩემი ოჯახის სახელით გისურვებთ ბედნიერ შობა-ახალ წელს! ჯეკსონ ძლიერი!"