"დედებს ამ ცხელ დღეებშიც მოჰყავთ წინდებში და რეიტუზებში გამოწყობილი ბავშვები, ზემოდან რომ კიდევ ჟაკეტი აცვიათ" - ინგა მამუჩიშვილის საზაფხულო რჩევები - მშობლები
"დედებს ამ ცხელ დღეებშიც მოჰყავთ წინდებში და რეიტუზებში გამოწყობილი ბავშვები, ზემოდან რომ კიდევ ჟაკეტი აცვიათ" - ინგა მამუჩიშვილის საზაფხულო რჩევები
"სამშობიაროში იმ პირობებს ვაბრალებ, რომ ისე გაიზარდა, პრაქტიკულად არ გაცივებულა"- უნდა ჩავრთოთ თუ არა კონდენციონერი იმ ოთახში, სადაც პატარები გვყავს?
- ზაფხულში, დაძინების დროს, ჩვილებს აცმევენ წინდებს, ეს გამართლებულია?
- არავითარ შემთხვევაში არ სჭირდება წინდა. თუ ძალიან ცხელა მარტო პამპერსითაც შეიძლება დავაძინოთ. პატარას ორგანიზმი თავიდანვე უნდა შეეჩვიოს სიგრილეს, უნდა გაკაჟდეს, სწორედ პატარა ასაკიდანვე უნდა მიიღოს გრილი აბაზანა, წყლის ტემპერატურა უნდა იყოს იმაზე დაბალი, ვიდრე ვიყენებდით ზამთარში. ზაფხულში დღის განმავლობაში, ხშირად უნდა ჩავსვათ წყალში და თვითონაც უნდა მიეჩვიოს წყალში ბანაობას.
- რას გვეტყვით მაცივრისა და ონკანის წყლის გამოყენებაზე?
"დაკიდეთ სახლში სველი პირსახოცები, გამორთეთ ელექტრობა, ცხელი ზაფხული იქნება და ვენტილატორები ბოლომდე ვერ დაგიცავთ " - გაფრთხილება გარემოს ეროვნული სააგენტოსგან
- სეზონზე აქტუალურია კითხვა, ვაჭამოთ თუ არა პატარებს ნაყინი...
- ნაყინის წინაღმდეგი არ ვარ. არ შეიძლება ბავშვს ნაყინის ჭამა ავუკრძალოთ. უბრალოდ, უნდა ვასწავლოთ, როგორ უნდა მიიღოს ნაყინი. ბავშვმა ნაყინი უნდა ჭამოს ნელ-ნელა, ალოკვის წესით და არა ჩაკბეჩით.
- არის თუ არა რეკომენდირებული ცხელი წვნიანის მიღება ბავშვებისთვის, ზაფხულის სეზონზე?
- არავითარ შემთხვევაში კვების რაციონიდან არ უნდა ამოვიღოთ წვნიანი, ძალიან ცხელი რომ იყოს, არ არის აუცილებელი, მე ძალიან გაცხელებულ წვნიანს ზამთარშიც არ ვთხოვ პაციენტებს.
- ხშირად პატარებს აქვთ სურვილი ყავის დალევის და მშობლები ჟინის დასაკმაყოფილებლად ხან ნალექს აძლევენ, ან წყალში უზავებენ, რას გვეტყვით ამ პრაქტიკის შესახებ?
- კოფეინის მიწოდება არ შეიძლება. არათუ ყავის, შოკოლადის ჭარბი რაოდენობით მიცემაც არ შეიძლება, რასაც ჩვენ ბავშვს არ გავასინჯებთ, ის მას არც მოითხოვს, ბავშვი არაჩვეულებრივად იგებს იმას, როცა უხსნიან, რა არ შეიძლება. შოკოლადიც მიცემასაც წახალისების ფორმა უნდა ჰქონდეს და ამან არ უნდა მიიღოს სისტემური ხასიათი. მე კატეგორიული წინააღმდეგი ვარ, ბავშვს მივცეთ კოფეინის შემცველი პროდუქტები. სულ გვესმის ჰიპერ აქტურ ბავშვებზე რას ამბობენ, ჰიპერ აქტიურობას იწვევს წორედ შაქრის მომეტებული დოზა ორგანიზმში, განსაკუთრებით თუ საღამოს ჭამს ბავშვი შოკოლადს, სვამს ყავას. ბავშვი უნდა შევაჩვიოთ ნატურალური წვენების მიღებას, ხილის ჭამას, ჩირის მირთმევას. მაქსიმალურად უნდა მივაქციოთ პატარების კვებას ყურადღება, მითუმეტეს მაშინ, როცა ამის კონტროლი მშობლებს ჯერ კიდევ შეგვიძლია, მათი ასაკიდან გამომდინარე.