რამდენ საათს უნდა ეძინოს ბავშვს სხვადასხვა ასაკში და რომელ საათზე უნდა იძინებდეს - გახმაურებული ცხრილი - მშობლები

ცნობილი პროფესორის თქმით, ეს ცხრილი აკმაყოფილებს საერთაშორისო მოთხოვნებს ვილსონის ცნობილმა დაწყებითმა სკოლამ სასწავლო წლის დაწყებამდე, საკუთარ ფეისბუქ-გვერდზე ძალიან საინტერესო ცხრილი გამოაქვეყნა. ცხრილში მოცემულია ბავშვის ასაკი, მისი გაღვიძების და ძილის ხანგრძლივობის ოპტიმალური დრო. პოსტმა სოციალურ ქსელში ძალიან დიდი გამოხმაურება მოიპოვა, ის 400,000-ზე მეტმა ადამიანმა გააზიარა და ათასობით მომხმარებელმა მოიწონა.

ცხრილი ძალიან უბრალო და საინტერესოა, მაგრამ არის კი ის ზუტი?

პასუხი ერთმნიშვნელოვანია - დიახ არის!

ცხრილში ბავშვის ასაკი 5 წლიდან იწყება. თუ მას დავუჯერებთ ამ ასაკის ბავშვს ღამე 11 საათი და 15 წუთი უნდა ეძინოს.

ფსიქოლოგმა და პროფესორმა, ბავშვთა ძილის საკითხში ექსპერტმა, ჯოდი მინდელმა ერთ-ერთ გამოცემასთან საუბარში განაცხადა, რომ მან არ იცის ცხრილის წარმომავლობის შესახებ, ასევე ვერ ხსნის, რატომ გვთავაზობს ეს ცხრილი, ბავშვის ასაკის მატებასთან ერთად ყოველწლიურად 15 წუთით შევამციროთ ძილის დრო. თუმცა, ის აღნიშნავს რომ ეს ცხრილი აკმაყოფილებს საერთაშორისო მოთხოვნებს - 10 წელზე ნაკლები ასაკის ბავშვებს უნდა ეძინოთ მინიმუმ 10 საათი ღამეში.

მრავალმა კვლევამ აჩვენა, რომ ბავშვებს, რომლებიც 9 საათისთვის იძინებენ, უფრო კარგად და მეტი სძინავთ, იმათთან შედარებით, ვინც 9 საათის მერე იძინებს.

სკოლამდელი ასაკის ბავშვებს 3-დან 5 წლამდე, უნდა ეძინოთ 10-13 საათი, სკოლის ასაკის ბავშვებს კი - 9-11 საათი.

ეს ცხრილი და დროები ევროპულ სტანდარტს შეესაბამება, თუმცა სავსებით თავისუფლად შეგვიძლია, მოცემული ცხრილი სახელმძღვანელოდ გამოვიყენოთ.