ბექჰემების ოჯახი ყოველთვის მედიის ყურადღების ცენტრშია. ყველა დეტალი, რაც ამ ოჯახის თითოეულ წევრს უკავშირდება, საჯარო განხილვის თემა ხდება. ჯერ დევიდის გაუთავებელ ღალატზე წერდნენ, შემდეგ წყვილის შესაძლო განქორწინებაზე.
ამ ყველაფრის მიუხედავად, ცოლ-ქმარი სოციალურ ქსელში ბედნიერი ოჯახური ფოტოების გამოქვეყნებას აგრძელებს. ბევრი ფიქრობს, რომ ეს უბრალო ფარსია და ამით ბექჰემები თვალს უხვევენ საზოგადოებას, ზოგს კი უხარია, რომ შესაძლო განქორწინება მხოლოდ ჟურნალისტების მოგონილი ჭორია.
ერთ-ერთ ბოლო ინტერვიუში ვიქტორიამ პრესას გაანდო, რომ ბავშვობაში დისლექსიით იტანჯებოდა.
დისლექსია კითხვისა და წერის უნარის არარსებობაა. ვიქტორიამ ისიც თქვა, რომ სკოლაში ამის გამო სწავლა ძალიან უჭირდა. საბოლოოდ, მან თვითდისციპლინის წყალობით, მაინც მიაღწია წარმატებას.
სამწუხაროს, დაავადება მემკვიდრეობითია და ვიქტორიას ოთხივე შვილს გამოჰყვა. უფროსი შვილი, 20 წლის ბრუკლინი, რომელიც ნიუ-იორკის პრესტიჟულ უნივერსიტეტში სწავლობდა, იძულებული გახდა პირველი კურსის შემდეგ სწავლა მიეტოვებინა. თუმცა მტკიცებულება იმისა, რომ სწორედ დისლექსია გახდა სწავლაზე გულის აცრუების მიზეზი, არ არსებობს. ადრე ოჯახთან დაახლოებული წყაროები ამბობდნენ, რომ ბრუკლინს უბრალოდ ოჯახი ენატრებოდა და ამიტომ გაცვალა სწავლა სამსახურზე.
როგორც ვხედავთ, დაავადებას ვიქტორიასთვის ხელი არ შეუშლია, რომ საკუთარი შესაძლებლობების რეალიზება ჯერ Spice Girls-ში, შემდეგ კი მოდის სამყაროში მოეხდინა. მისი შვილებიც, ალბათ, მეცნიერები ვერ გახდებიან, მაგრამ ცხოვრებაში საკუთარი ადგილის პოვნას ნამდვილად შეძლებენ.
მაგალითად, ბრუკლინზე სამოდელო სააგენტოებს ნამდვილი ნადირობა ჰქონდათ გაჩაღებული, მაგრამ ბიჭს გულმა ფოტოგრაფიისკენ გაუწია და უნდა ვაღიაროთ, რომ საკმაოდ შთამბეჭდავი ფოტოებიც გამოსდის. ბრუკლინი არც მამის კვალს არ გაჰყვა და სპორტული კარიერა არ მოისურვა.
ბექჰემების მომდევნო შვილი, 16 წლის რომეო ჩოგბურთითაა გატაცებული. ბიჭი ძალიან ღელავდა, რომ მისი გატაცება მამას ცუდად არ მიეღო. "ბრუკლინი პირველი იყო, ვინც განაცხადა, რომ ფეხბურთის თამაშს არ აპირებს. შემდეგ რომეომაც იგივე გაიმეორა. მახსოვს რომ მითხრა, არ მინდა, მამას იმედები გავუცრუვოვო. მე კი უპასუხე, რომ მამისთვის მთავარი მისი ბედნიერება იყო. ახლა ყოველდღიურად ჩოგბურთს თამაშობს" - ამბობს ვიქტორია.
რომეო ბექჰემი პატარა ჰარპერთან ერთად
14 წლის კრუზი მუსიკითა და ცეკვითაა გატაცებული. ვინ იცის, იქნებ ოდესღაც დედამისივით რომელიმე პოპულარული ჯგუფის წევრიც გახდეს (თუმცა ვიქტორიამ აღიარა, რომ სიმღერა არ გამოსდის და მისი შესრულება, ძირითადად, ფონოგრამაზე პირის გაღებით შემოიფარგლებოდა).
საბოლოოდ, შვილების შემყურე დევიდს ბოლო იმედად ქალიშვილი ჰარპერი რჩება. "ფეხბურთი უყვარს და ყოველ კვირას თამაშობს, ბიჭებს არ უყვართ და ეს მართლაც გულს მიკლავს. არადა, ნიჭი აქვთ... ახლა მხოლოდ ჰარპერის იმედი მაქვს. დიდი ენთუზიაზმით ვაკვირდები მის თამაშს" - ამბობს დევიდი.
ჰარპერი - მამის ბოლო იმედი
საერთოდ, ბექჰემები მკაცრი მშობლები არიან. შვილებს უფლებას არ აძლევენ ტელევიზორის და კომპიუტერის წინ მოკლან დრო. შედარებით მეტის უფლებას ბრუკლინს აძლევენ, რომელიც, სხვათა შორის, უკვე დიდი ბიჭია, შეყვარებულიც ჰყავს და გოგონა საოცრად ჰგავს პოტენციურ სადედამთილოს.
