საქართველოში დაბრუნებულ ორსულ თაკო გაჩეჩილაძეს ნინი ბადურაშვილმა ფუფას რეცეპტით ხაჭაპური გამოუცხო - მშობლები

ნინი ბადურაშვილის, თაკო გაჩეჩილაძისა და ქრისტინე იმედაძის მეგობრობა ათეულობით წელს ითვლის. სამი გოგონა ბავშვობიდან მეგობრობს და სხვათა შორის, არ ყოფილა შემთხვევა, რომ მათი ურთიერთობა დაძაბულიყოს. სამეულის მეგობარია ასევე ქეთა თოფურია, თუმცა ქეთას მოსკოვში გადასვლის შემდეგ ერთმანეთის ნახვას იშვიათად ახერხებენ.

თაკო გაჩეჩილაძეც რამდენიმე წელია ბულგარელ პროდიუსერს, ბორისლავ მილანოვს გაჰყვა ცოლად და ოფიციალურად მის გვარზე გადავიდა - მილანოვა გახდა.

თაკოს და ბორსილავს პირველი შვილი ერთი წლის ჰყავთ და ახლა მეორეს მოლოდინში არიან. სწორედ მათ საქართველოში სტუმრობას დაამთხვია ნინი ბადურაშვილმა ბედის ცდა და ქრისტინე იმედაძის დეიდის, ფუფა გოგლიძის რეცეპტით ხაჭაპური გამოაცხო.

თუ რა გამოუვიდა, ამის ნახვა ფოტოებზე შეგიძლიათ. მეგობრებმა ამაზე კარგად იხალისეს.

როგორც ჩანს, ფუფას ხაჭაპურები ქართულ ბომონდში პოპულარულია. ცნობილია, რომ ფუფა გოგლიძე ნანი ბრეგვაძის შვილიშვილის, ეკა მამალაძის ვაჟის მეუღლეა. წყვილს ერთი საერთო შვილი ჰყავთ. ფუფას კი პირველი ქორწინებიდან უფროსი გოგონა ჰყავს.

ინსტაგრამზე გამოქვეყნებული ფოტოებით და ვიდეობით თუ ვიმსჯელებთ, როგორც ჩანს, ნინის ხაჭაპურები სხვებმაც დააგემოვნეს და მომღერლის დებიუტი კულინარიაში მეტნაკლებად შედგა.