ჩოხელმა მომღერალი ოჯახის წევრებსაც გააცნო გაზეთ "პრაიმ ტაიმის" ცნობით, მომღერალი მაკა ზამბახიძე შეყვარებულია. მისი რჩეული 28 წლის ძიუდოისტი მიხეილ ჩოხელია.
გამოცემის ცნობით, მაკა და მიშა უკვე რამდენიმე თვეა ერთად ცხოვრობენ, თუმცა თავიანთი ურთიერთობის აფიშირებას მხოლოდ მეგობრების ვიწრო წრეში ახდენენ.
მიხეილ ჩოხელის და მაკა ზამბახიძის "ლავ სთორის" შესახებ, "რეიტინგისთვის" ცნობილი რამდენიმე კვირის წინ გახდა. ჩვენი წყაროს ცნობით, ჩოხელმა მომღერალი ოჯახის წევრებსაც გააცნო და მალე დაქორწინებასაც აპირებენ.
მიხეილ ჩოხელი ძიუდოში ევროპის და საქართველოს ჩემპიონია, ასევე ხუთ გზის მედალოსანია სამბოში, მისი მეგობრების ცნობით, ჩოხელმა სპორტს თავი უკვე დაანება. მას ზედმეტსახელად ჩოხელას ეძახიან. ის მაკა ზამბახიძეზე 7 წლით უმცროსია.
მაშინ ინფორმაციის გადამოწმება, თავად მიხეილ ჩოხელთან ვცადეთ, თუმცა ტელეფონიც გამორთო და "ფეისბუქის" გვერდიც გააუქმა.
მაკა ზამბახიძე კი მოკლე კომენტარით შემოიფარგლა, განაცხადა, რომ ყველაფერს მაშინ გავიგებდით როცა ამის დრო მოვიდოდა.