"მინდა ყველას ვთხოვო დახმარება, რომ ჩემი სანდრო გადავარჩინო..." - 10 წლის სანდროს დედის თხოვნა 10 წლის სანდრო ფიცხელაური - კიდევ ერთი პატარა, რომელიც მძიმე სენს ებრძვის და მის დედას, რომელიც შვილს მარტო ზრდის, იმის იმედიღა დარჩა, რომ კეთილი ადამიანები დაეხმარებიან.
როგორც სანდროს დედა თაკო მაისურაძე ყვება, ბავშობიდან ცალი თირკმელი შედარებით პატარა ჰქონდა ბიჭს, მაგრამ არა პრობლემური:
- მარტში მოულოდნელად ცუდად გამიხდა, წნევები ჰქონდა 170-120-ზე და ანალიზები რომ ავუღე, თირკმელს უკვე ძალიან უჭირდა... 10 დღე ვიწექით საავადმყოფოში და ცოტა უკეთესად გახდა, თუმცა წამლები დაგვინიშნეს... სულ წამლებზე მყავდა. ივნისში ისევ საავადმყოფოში აღმოვჩნდით, ცუდი ანალიზების გამო, ხოლო სექტემბერში უკვე ორჯერ გაუკეთეს დიალიზი... დიაგნოზია თირკმლის ქრონიკული უკმარისობის მე-4 სტადია და სასწრაფოდ ესაჭიროება თირკმლის გადანერგვა...
მე მინდა, გამოკვლევები ჩავიტარო, გამოვდგები თუ არა დონორად, რომ თავადვე გადავუნერგო, მაგრამ ეს გამოკვლევებიც საკმაოდ ძვირია... მინდა ყველას ვთხოვო დახმარება, რომ ჩემი სანდრო გადავარჩინო...
სანდროს ანგარიში აქვს გახსნილი საქართველოს ბანკში. მისი ანგარიშის ნომერია - GE09BG0000000820981100 სანდრო ფიცხელაური.
ასევე გადარიცხვა შეიძლება მისი პირადი ნომრით საქართველოს ბანკში - მისი პირადი ნომერია- 01317067128