"განადგურებულია..." - მეგანის და ჰარის ინტერვიუმ ყველაზე მეტად უილიამი გაანაწყენა - მშობლები
"განადგურებულია..." - მეგანის და ჰარის ინტერვიუმ ყველაზე მეტად უილიამი გაანაწყენა
მეგან მარკლისა და პრინც ჰარის ინტერვიუს, რომელიც ოპრა უინფრიმ ჩამოართვა მათ, დიდი აჟიოტაჟი მოჰყვა. საგნაგებო განცხადებეს ბუკინგემის სასახლეშიც. მათი თქმით, ჰერცოგისა და ჰერცოგინიას მიერ ოპრა უინფრისთან ინტერვიუში რასობრივ თემაზე გამოთქმულმა მოსაზრებებმა ისინი შეაშფოთა.
"მთელი ოჯახი დამწუხრებულია მას მერე, რაც შევიტყვეთ, როგორი რთული იყო ჰარისა და მეგანისთვის ბოლო წლები. წამოჭრილი საკითხები, კერძოდ კი რასიზმთან დაკავშირებული საკითხი, შემაშფოთებელია.
მიუხედავად იმისა, რომ მოგონებები შესაძლოა, ერთმანეთისგან განსხვავებული გვქონდეს, ოჯახი პირადად დაინტერესდება ამ თემით. ჰარი, მეგანი და არჩი ყოველთვის იქნებიან ოჯახის საყვარელი წევრები“, – აღნიშნულია სამეფო სახლის განცხადებაში.
სასახლის ეს განცხადება მოჰყვა მეგანის ნაამბობს, რომ ოჯახის ერთ-ერთი წევრი მათი შვილის, არჩის, დაბადებამდე ღელავდა მისი კანის ფერის გამო და იკითხა, რამდენად მუქი ფერის შეიძლებოდა ყოფილიყო მისი კანი, თუმცა მეგანმა სამეფო ოჯახის აღნიშნული წევრის ვინაობა არ დააკონკრეტა.
მეგანმა ინტერვიუში ისაუბრა იმაზე, თუ როგორი წნეხი იყო მისთვის სასახლეში ცხოვრება, რომ ზოგჯერ "სიცოცხლე აღარ სურდა“.
ამბობენ, რომ ინტერვიუს შემდეგ ჰარისა და უილიამს შორის ისედაც დაძაბული ურთიერთობა კიდევ უფრო გართულდება. მით უმეტეს, რომ გავრცელებული ვერსიით სწორედ უილიამი იყო ის ადამიანი, ვინც მომავალი ბავშვის კანის ფერზე ღელავდა.
გარდა ამისა, მეგანმა იმაზეც ისაუბრა, თუ როგორ ატირა ის ქორწილამდე ქეით მიდლტონმა. ასე რომ, ეს ინტერვიუ დიდი დარტყმაა პრინცი უილიამისა და მისი რეპუტაციისთვის. ხოლო ძმებს შორის უთანხმოებაზე შეკითხვას ჰარიმ ასე უპასუხა:
- ჩვენ ერთად გამოვიარეთ ჯოჯოხეთი. ვგულისხმობ იმას, რომ საერთო გამოცდილება გვაქვს. თუმცა სხვადასხვა გზით მივდივართ".
მან ისიც აღნიშნა, რომ ძმასა და მამას თანაუგრძნობს, რადგან ისინი "ხაფანგში არიან გამოკეტილები", რადგან არ შეუძლიათ მოვალეობებს და სასახლეს გაექცნენ, რომც მოისურვონ.
ამბობენ, რომ უილიამი განადგურებულია.